唉~近日真係好灰呀，feel到一個好孤獨既感覺，做咩事都好似自己一個人去做，冇一個人真係會係背後撐我，在乎我...有時想搵下朋友傾下計，但個個都諸多推躺。以前我仲相信自己有幾個朋友，有咩事都可以講，可以關心下佢地，知道佢地做緊咩，煩緊咩，已經好開心。有時我都安慰自己，大家都各自有野忙，可能抽唔到時間去陪你jei，並唔係淨係對你係咁既，但係經過時間既流去，我發覺好多朋友真係什少理會我既事囉，我好多時都係主動去講我既野出黎，例如我而家係邊度邊度讀書啦，我有咩煩緊呀，你知唔知呀....haha- -諸如此類...又會問下人你而家點呀，做咩咁煩呀。但係相反，又有邊個會問過我而家點樣，d野做完未，煩完未?

以前，約d朋友出黎玩...好快就會齊人，玩完最後大家都開開心心咁返屋企，繼續去做正經野。而家，約人出黎己經係一件困難既事，什至係一份苦差，因為個個都鍾意哩係屋企。for example，我:「喂，出黎丫」朋友既反應:「做咩呀?...去邊先?....有邊個去呀?....我遲d先覆你得唔得?....冇錢wo...」態度仲要唔係咁好，有時真係覺得好灰，自問個個朋友我都有比個心出黎去做，但係越係識得耐既朋友，就越係冷淡。每日對住個唔會響既電話，冇聲音既icq，只係覺得，已經心淡啦....其實，係咪一直都係我既問題呢?我一直都求唔到呢個ans，唯有，就比呢一堆既問題，好似一般人咁做，讓佢掉淡，忘記，再忘記.....

p.s.純粹"伸"下既一篇文章，同果覺得我講錯既....大可以唔洗理
不過如果好彩比我講中左少少，唔該send 個massage，打個電話比我啦，兄弟!