Part I

其實不知道應不應該寫出來，因為我也不知道以後會不會在一起。不過世事有很多種可能， 日後或者會成為大家的共同回憶，又或者現在跟他只是擦身而過，不論將來怎麼樣，回想起來的時候都算有過一段特別的經歷。反正後面的日子還有很長，選擇一些比較有意思的事情記載下來，無傷大雅。

本來沒有想過情人節他會約我。因為在之前的一天，由他意外地邀請我到他的新居坐坐，到晚上下起雨來，在漫長的路上送我回家，一直都沒有任何其他的表示。不過出於社交上的禮貌，沖完涼準備就寢時，我還是send了個sms回謝他。

一send出去就馬上收到一個回應，好似以力借力咁問左我一個問題："原來明天是情人節？"  這樣．．．是甚麼意思呢？我意識到可能有少少關鍵性，於是暗地裡請教另一個異性密友，我該怎樣回。朋友說："別人問甚麼，你就答甚麼，暫時不要想太多。" 在抱著沒有太大期望既心情之下，我直接回覆返佢："yes, it's tommorow." 仲有咩疑問既話，就留返俾佢自己解決啦。

結果這個sms一send左出去之後，他以半秒鐘的速度打俾我，半刻也不讓我有猶疑，話："聽日我放工直接過梨搵你。"　

Part II

至於情人節當日發生既野，完全out of imagination，等埋佢放工之後，就同佢一齊去左買餸，再次上佢屋企由佢下廚。

佢話今次佢都係第一次在新屋下廚，但我知佢入伙已有幾個月時間啦，聽講d廚師平日對得多廚房會有d厭厭地，多數一返屋企就等人服侍，唔知佢係咪都係咁樣既呢．．．．．．

佢向我保證25分鐘內一定會完成，事實佢第23分鐘就搞掂左啦。雖然只是普通的菜式，不過佢都算有心鐘咁排一排盤，加上整得幾好食，有鋸扒，雜菌，牛尾湯。餐飯傾左咩我唔係太有印象了，因為佢平時都好健談，乜都講，好似閒話家常咁。

當我地準備離開戈時，佢媽媽同一時間返左梨。我個朋友話，冇可能咁啱既，做戲。我諗一諗，又係喎，有乜可能坐左咁耐，由煮飯，到食飯，到飲湯，到執枱，都係靜靜地兩個人，一走戈時佢媽媽又返到？但再諗一諗，又唔係喎，我明明記得由我從裡面開門，佢媽媽從外面開門時，佢個表情驚訝到好似入錯屋咁架．．．

街外既煙雨迷霧有點兒氣氛，在一把小小的傘下，他有伸手過來挽住我的肩，不過一直行到返我屋企樓下，最重要既野都冇講．．．．．．唔通一齊過情人節都可以唔代表d咩？有時人大左，同樣既經歷多左，有d野都冇再咁上心，唔似以前嘞。

到佢都返到去之後，又打俾我傾左陣，都係冇講咩野；到隔左兩個鐘之後，差不多在凌晨時份，佢send左個sms俾我，大概話以後都會煮飯俾我食，照顧我之類。

咁算唔算有少少野呢？有有地呱，唔知呢～