呢個世界, 只有冇左自己先會唔得, 除自己以外, 冇左邊個你都可以生存. 你話唔得, 只不過係輸唔起, 唔承認現實. 你覺得自己慘, 佢老婆先最慘. 老公係佢老婆識在先, 你始終係第三者.

愛情活在自私中, 難道會過得自在嗎? 你而家唔開心, 唔多唔少都因為潛識識覺得內疚. 就算佢永遠在你身邊, 你都唔會開心.

咁複雜既感情, 真係值得你花時間嗎? 你再諗返咁多段戀愛, 到底邊段比你既快樂時間最長, 痛苦既時間最短? 無論點, 都唔係而家呢段感情卦!

由一開始, 你已經注定係輸家, 因為成個愛情故事都係謊言, 佢一開始已經呃你. 到頭來, 你只會越陷越深. 而家回頭既話, 你一定搵到幸福同久違既笑容. 千祈唔好做傻事, 諗返起你撇仔時係幾咁瀟灑, 幾咁有自信, 就應該發現你有大把機會. 為個大話精犧牲咁多, 根本唔值得.

* 感謝哉的說話