(續)

跟住行左一陣,一路佢都自己拎番自己袋衫,重幫我拎埋我o個袋! 咁先算有風度嘛! 我最憎d男人兩手fing fing, 要人幫佢拎o野! 真係有呢一種男人架! 真係好意思架喎? o係街度周不時都見到d男人無o野拎,手插褲袋,人地就拎住一抽一袋! 真係好睇唔起呢種所謂的大男人!

行左一陣跟住去食晚飯! 今日我地去食煲仔飯! 經過呢一餐飯,我發覺佢真係好有風度同埋好識照顧人! 都要讚下佢o既...

我地想食煲仔飯套餐! (即有燉湯,有菜,有煲仔飯&茶) 我地諗住叫2個不同款的,咁可以share D 餸 ! 佢連D筷子呀,匙呀…都幫我整好哂! 連豉油都幫我整埋! 跟住我交換左2款餸之後,我就開始食! 一路食,我覺得好奇怪,點解佢會食哂d油菜, 連燉湯都飲埋,就已經停哂手! 但佢個煲仔飯就一直原封不動?

我好奇咁問佢做乜唔食飯? 佢答我 :“等你食左先啦,你夾埋我D餸啦,你食剩先俾我啦!” o下? 原來佢唔食飯,食哂其他野先,原來係想等我可以食完2款餸先,之後佢先食! 我真係唔知呀…我以為我交換左d餸就算! 通常個個都係share左就各自各食架嘛! 佢真係好considerate...突然間好欣賞佢!其實我知道佢都肚餓,但佢心諗住俾我食完之後佢先食埋剩低o個d..簡直出乎意料之外!

哈哈! 最後我連自己個煲仔飯都食唔哂! 個套餐太豐富了!佢就連我食唔哂o個d都幫我清埋! 重話多數女仔食唔哂, d男仔就會變成一個垃圾筒! 哈哈…係呀係呀!! D男仔多數都會因為咁樣而暴肥..哈哈哈!

我覺得呢個年代已經好少男仔會咁識得遷就人同照顧人! 雖然佢平時好似大唔透咁,但有時佢又好成熟! 雙面人..hahha! 但anyway,我都要讚下佢! 我覺得而家好多男仔都好無風度,自己咩都唔拎,又或者唔識開門俾人呀…食飯都可能自己決定哂食乜…等等..! 莫講話會諗住同人share! share之後只會各自各食! 好少可連咁minor的豉油都幫你落埋,或者想你食多款餸而自己唔食住,等人地食左先! 有剩啦,先自己食埋佢!

至少我欣賞呢個人好considerate, 會take care人,細心同風度!

死仔Mike一定好得戚!!! :p