新年快樂,新一年第一個相約的人竟然是阿Mike!~ 因為佢要見工,加上呢個post都頗為sensitive的! 所以佢想我幫佢揀新衫見工! 女仔o既眼光一定比男仔好! 同埋女仔會細心好多,再加埋我張VIP card, 嘩,佢識著我呢個老友都算佢執到啦! 唉…好啦! 雖然佢成日都 “hup”我,但話哂都係老友,好啦,就幫佢一次咁多! Kekeke

今日最主要係買西褲同裇衫! 嘩,呢樣野我最拿手! 買慣買熟啦!~ 同 Kevin買都唔少! 邊一種款式,邊個size, 一眼就睇得出! Wa! 雖然佢無Kevin咁高,但佢o既size竟然同Kevin差唔多 (@o@)? 領口位只係差一個碼, 膊位竟然係一樣的! @o@ ! 膊頭咁橫o既?

但可惜最後呢間分店無佢裇衫個size, 要去另一間睇! 咁唯有買左條褲先啦!! 我地再去朗豪坊o個間睇, 佢驚我累,所以suggest去滿記食糖水先,我話唔駛!最緊要係幫佢買好哂d野先! 去到o個間, yeah!~ 有呀! 攪惦哂! 不過因為件衫摺好o既,所以佢要自己返去搵熨斗燙o下先!

任務完成,我地去滿記食糖水! 去之前我話要食凍o既甜品, 去到我見到有湯丸,又想食! 佢話我做乜一早諗住食凍o野而家又食熱o野! 話果然D女仔真係三心兩意! 跟住唔知講開乜野,又話d女仔其實成日都口不對心…(突然間覺得佢好了解d女人hhahhaa)