上個禮拜某人已經約定左我今日出街…
見咁耐冇一齊出街，有日可以出下都幾開心丫…
尋日仲約好晒時間地點…點知今日…竟然話病左唔出街…
我真係好無奈…不過如果真係病既都冇辦法既!有機會先出啦!

咁見冇野做，梗係要搵野搞啦，唔想o係屋企嘛…
哈哈哈…Noddy，上次我陪左你買褲，今次仲輪唔到你陪返我，呵呵
咁就約埋Jerry兩點o係英皇等，諗住去唱ｋ啦…好多人冇位…
咁就去埋其餘兩間綠盒!唉，o的學生考完試真係得閒呀，霸晒ｄ位…唔使唱

最後唔唱ｋ，Noddy就話出旺角見工，我地又冇所謂，咁就出左去喇
份工真係…哈哈，唔做好過做啦～之後行下，都係睇下有冇工咁…
條街實在太熱喇，整到我狂飲野添，肥死呀…
到左四點幾冇野做，又搭返車返荃灣，都幾無聊架…去勞工處睇左陣
之後佢地兩個走啦，我就去左金星同金禾打機！

七點幾搭58m入到去建生仙桃源搵小利喇，諗住見下面食下飯啦
哈哈，佢九點收工喇，因為小肥話約左人去飲酒叫埋我地…義氣仔女，哈哈
咁九點幾就一齊搭車去黃金海岸喇，等小肥兩個朋友啦…
由九點十等到十一點幾…終於等到人喇…雖然要等，不過唔緊要既
因為我自己o係到發癲唱歌跳舞又…有雪條食喎，時間好快過，哈

我/小利/小肥/阿笑/dee就買左酒去沙灘一路坐一路飲喇，哈哈
o係到玩生果枚，動物枚=.=(哈哈哈)，
仲學識玩個粗口枚，keekee，真係笑鬼死我，愛上左呀～^^
坐到一點幾走啦，小利同小肥一齊陪我搭的士返屋企，哈哈
都係第一次咋，小肥有咁好死咩…梗係有原因啦=.=
到左樓下食返個宵夜先啦，呵，不知幾想食碗仔翅呀，可惜冇呢…

呵呵呵，今日夜晚幾開心！^^