尋晚十二點幾訓，訓到今朝十一點，呵呵，好野
好難得訓到咁耐，不過訓完周身骨痛，估唔到十六歲就成個婆婆咁><"
個樣終於都唔再殘喇，yeah~！

起身搞掂晒所有野就約左小利o係兆康西鐵站等，
首先係搭輕鐵去建生啦，去左小肥做野間舖頭到食飯，哈哈
探班～(今次第一次去建生呢！小利，我搭過一次知點黎架喇，
下次唔使黎接我了^^thz)食完野都兩點幾喇，
因為五點九我要去元朗間盧幹庭到考oral呀，
所以又搭輕鐵去元朗間金禾到打機，唔係剩係荃灣先有金禾架，哈哈
之後周圍兜下，又打左幾舖機，話咁快到左五點幾喇，
開心既時間真係過得特別快，then搭的士去間學校啦～
(好多謝你陪我去間學校同埋帶我周圍玩呀~^^)

5:45~7:45 oral～我係尾二o個組><"等死人喇，
去到仲見到HCY既豬神，哈哈，都定D！
role play 過得去啦，group discussion得三個人一組咋，
兩女一男，個男仔幾掂丫，佢講多我少少野，但係個女仔就…
問佢有冇意見：no！問佢同唔同意：no！全部都係答no，
根住乜都冇講過…滴晒汗呀…唔知合唔合格呢…唔理喇，
好過學校就得啦～哈哈！終於真真正正考晒試喇，開心～
考完試落到樓下諗住問個校工點搭西鐵啦，
諗住去小利做野間舖到食飯飯，點知殺出個MISS出黎話帶我路，
呵呵，真係好人呀！之後一齊行左段路，仲有傾計添～^^搞笑
最後佢仲教左我去搭輕鐵，可以一程車搭去建生喇！呵呵
我自己終於識搭輕鐵喇！屯門人，YEAH！

八點幾去到搵小利啦，食飯飯，餵到我好飽，哈哈
間舖ｄ人幾好丫，哈哈，幾搞笑！坐坐坐坐坐，
十點小肥放工黎左呀，哈哈，唔使咁悶喇，
小利又要做野，有人同我串下咀喇～哈哈哈！識到佢地兩個真係幾開心架
仲見到羅敏莊拖住條仔添呀！搞笑囉～佢真人好鬼瘦！
小利佢地今晚約左人飲酒（海豚吧？），而我又唔想返屋企，
所以o係間舖到等到十二點幾，(有耐性)等佢地收晒工，一齊玩喇！
有十一個人呀，都算多～^^哈哈，三點幾小利送我返屋企喇～
今日成日都咁開心，呵呵呵呵呵，真係要多謝你啦！

約左星期四同小肥同小利打badminton呀，
希望天氣好啦～！機會難逢呀！
P.S.(我會好好咁keep住你摺俾我個心架喇,哈哈!死都唔會用^^)