首先要recall番大家o既記憶先，2005年2月6日的日記 :「之前部電話壞左，拎左去整，雖然部電話好殘，但我一直都無諗過換電話，因為入面有好重要,好重要o既回憶.......整完之後，「屌」了一聲，乜Q野都無晒，電話,鈴聲,圖像,錄音......我一直都諗住佢點壞法，都會拎去整，今次都整左$380，如果佢話要點$3,800...... $38,000......$380,000......$3,800,000.......都會去整，但最重要o既錄音都無埋，即刻想換個部電話......雖然部電話像重新一樣，但當時的感覺是充滿無耐感......」......在上星期，我終於換了新的電話SonyEricsson既k750i，對上一部? 係2002年4,5月左右買的，還記得當時在歐洲的炫耀感，一個法國鬼佬o既好奇，如果唔係無晒記憶，我根本無打算過換機......還引來好多人驚訝，「部機用咁耐都唔換呀......」，主要原因，我根本和這世界脫了軌，充分感受著存在的無聊感......

另一件事，要recall番o既記憶仲耐，係2003年5月24日，「今天是一個大食會，正如聖誕節那次一樣，我都是在中途閃了...但今次我閃第一次...忍不住落番去，但都忍不住，再閃...哈哈哈哈...」從那段時期開始，我倒認為人類之間的關係，總有一個期限，沒有原因，沒有規則，何時會完結，沒有人會知道，有長, 有短......舊生會的晚飯?即是要我打破這個心目中的信念!?世界不是如此荒誕的，我還是放棄吧......

近期的無力感又再發作，既不想返工，亦不想放假，很多事情也不願意做，將來?一面灰白......雖然明白世界甚樣運行，但......不代表我會接受......