以下金句，排名不分先後：

金句一：
「運氣其實都係實力鮋一種。」某陌生青年在紅磡新旺桌球會打桌球時如是說。
本人回應：那麼，Twins也應該是實力派歌手。

金句二：
「踢中場，蔣世豪仲好過法比加斯。」豆腐足球俱樂部領隊談論英超球隊阿仙奴的中場球員法比加斯時如是說。
本人回應：論守龍，鍾篏賢都應該好過保方。

金句三：
「摩連奴鮋好處，就係佢識得因應球賽鮋變化而作出調動。」本地過氣填詞人、現任有線電視足球評述員潘源良在評述英超聯球賽曼聯對車路士時如是說。
本人回應：「桂神」繼後有人啦！

金句四：
「兩個人拍拖，愛係好緊要鮋，一定要有愛，無愛唔得架！」本人舅母在某次飲茶時向在座一眾後輩作出上述教誨。
本人回應：多謝舅母，我諗我終於識得談戀愛啦！

金句五：
「法輪大法先至係唯一鮋真理，千祈唔好受共產黨鮋資訊迷惑呀！」某位負責在街上向途人派發法輪功宣傳報章「大紀元時報」的婦人，在本人拒絕接收其報章後以上述「金句」責罵本人。
本人回應：我兩邊都唔信，吹咩！

金句六：
以下金句為一段對話，主要人物包括一對陌生母子(母親年約三十，兒子相信只有五、六歲)，地點在沙田宜家傢俬。
母：「阿仔，今晚想食乜呀？」
兒：「食煎腸仔！」
母：「衰仔，又有煎腸仔，無益呀......不如食蝦仁炒蛋，好唔好？」
兒：「咁呀......咁可唔可以食蝦仁腸仔炒蛋呀？」
本人回應：意志夠堅定，細路，您好№！

金句七：
「喂，我每年交咁多錢稅，就係俾政府晒去養你呢條白痴！」某前同事在電話中如此斥罵部門裏一位經常犯錯的秘書(被罵的一方並非罵人一方的下屬)。
本人回應：一場同事，唔駛去到咁盡呀？

金句八：
「黃大鈞而家鰠黃大仙。」無線電線六點半新聞報導現任主播李臻，在介紹一則由記者黃大鈞在黃大仙進行的現場報導時如是說。
本人回應：採主大爺擺明整鬼阿大鈞。

金句九：
「前面咁塞，仲唔掉頭搵路走？你真係白痴，簡直係白痴都無朋友。」某位因前路交通擠塞仍不肯更改行車路線的紅色小巴司機，在對講機中被行駛同一路線的行家如此斥罵。
本人回應：無錯，有誰會願意跟白痴做朋友呢？

金句十：
「I know what I’m doing.」本人老闆在某次撞板前的一刻對本人如是說。
本人回應：老闆的「開口中」本領，絕對可以媲美「桂神」。