早兩天，星期日的早上九時左右，
給一個電話吵醒。
原來是那個麻煩客打來的電話。

前半段對話我接受到的，
他不停地問我幾時可以幫佢做埋個網站…
強調他的計劃會有好多人等著參加，已有幾百人登記…
又話星期一、二開始會有好幾千人要用那網站登記…

好！你說得那麼趕急，我都很俾面地回答他，
我會當天做好個登記版面給他……
之後當然順口加多一句，
叫他向負責的同事跟進一下那張遲遲未到我們手的訂金支票
幫他們做了兩個多星期東西了
每次問他們張票總是扮忘記又或者說叫人預備緊！

我只係好聲好氣提一提張票
那位賤人立即語氣都變了！
簡直是罵人的語氣，不停話我只掛住張票唔幫佢做野！
我忍不了頂了他一句「道理上我們是要收了訂先開工的，
現在已幫你們做了那麼多，是否應該......」
哈！他竟然大大聲地說了一大堆強詞奪理的話！
「道理？道理上係你們應該立即做好個網站等可以多些人登記！」
「你同我計下數，已有幾百人登記，來緊兩三日會有幾千人，
這幾個月會有十幾廿萬人登記，每人幾百元，講緊係成億現金呀！
你那些訂算係乜呀？成日同我講o的訂！」
「講道理！？你唔快點搞好佢，累我們做唔到生意，
我去告你們添呀！我們咁大生意，那少少錢你怕我們走你呀？
真係走你數，你咪去告返我地o羅！」

當然，中間還夾雜一些很大聲很難聽的話，
佢走運，冇講粗口，如果唔係我會乜都唔理立即收線！

總之谷到我成肚氣，
不過因為一來係一個朋友介紹的，
二來因為真係想收左佢訂先算，
佢話少咋，都成萬幾二萬元架！
所以最後我冇多講咩，等佢吠個飽後，
只係同佢講我會當天做登記那少少野，
特登唔提其他part，因為我已立下心，
收唔到訂都唔會再做其他東西了。

可怒也！一早給人吵醒，
就受到這等無理取鬧的氣！
立即醒晒，衝落床上網看一看，
真的笑死人！

1)他們改晒我們set好的admin登入及密碼，
還要改到鬼死咁長，好似好秘密咁！
但係個系統係我寫的，點會拿唔到個新密碼？！

2)入到去，打算看看怎樣「已有幾百人登記」咁巴閉啦！
哈....係有人登記了，不過只係得他們四個自己人！
低能！真係以為你改了密碼，就亂吹水冇人知？！

幾個月會有廿萬人登記？
拿槍指著我都不信啦！

今天星期二了，幾千人登記？
有人新登記了的，兩個咁多！

只可以勸大家一句，
幾想賺錢都好，
千萬不要信那些玩傳銷的賤人！