今日星期五，
又是要教小朋友的日子，
講真，開始教到有點氣餒...

今天因為那間小學暫停課外活動，
所以教少個半鐘，
捱少了那最難頂的個半鐘！
因為那班太過參差！一班電腦班入面有小一至小六的人！
勁難搞！....不提也罷！

之後去教三班小朋友數，
初班係3,4年級，中班係5,6年級, 高班係中1,2
以前係最唔想教初班，因為好鬼失控...
但最近幾次開始玩記名，佢o地就乖左好多！
仲好鬼可愛添...會為左減返一個名而好努力咁去諗答案！

中班係5,6年級，本來都好好的，
但因為太熟了，他們開始掛住玩，
唔多聽我講，又只選o的好玩的題目做....
更多時候係兩個男仔週圍走.....氣死人！

高班...今期得三個人，
其中一個仲係沙循的中一女生.....
另外兩個係沙官及培正的中一男生
又係太熟了，雖然我選o的特別的問題他們都有興趣去諗
但比起去年他們還是六年級時....差得遠了！
或者入了中學，冇以前咁天真無邪.....
唉，兩個男仔成日不自覺的喜歡談及o的係敏感的對話
是不是那個年齡的男生真的對「性」那麼的無知？
無知到要去經想掛在口邊扮識？
還是他們會覺得那種亂說話的趣樂方式非常之好玩？
我今天對他們說了一句，做男仔o既把口要小心o的
不可以乜都講，現在o的人係乜都告一餐的，性騷擾都唔係細罪
但，我諗，他們都冇把我的說話放係心上！
個培正仔仲話....我成班男仔都係咁架啦，咁咪個個都要俾人拉！
oh no...天呀！我仲有乜好講？！
好彩沙官那個都立即識話，唔係喎....我學校冇人咁講喎
而沙循的小師妹每次聽到佢o地想講衰野就會扭轉面唔理佢o的
到忍唔住時仲會話佢o地知唔知咩叫做「羞」！

究竟係我忘了中一二時的心態，定係真係現在的細路變晒呢？
點解會咁架？邊個的錯？........唉