2004年3月19日 星期六

諗清楚,最終決定都係上去,但去之前真係好驚,好擔心,所以起麥子的組到都有叫大家為我祈禱,亦有send SMS俾阿Ling,Winsy同李姑叫佢地為我祈禱,上到去,聽o在好多野,阿輝同我講野時,我都無乜野,但一叫到我上堂,我就唔肯,但阿哥叫到,最後都唯有決定上,點之,無啦啦又多o在個女仔過來同我講野

佢講o在好多野,我好想去講出自己的觀點,但係我唔識點去表達,那一刻好無奈...最終卻喊o在出來,那一刻我自己都唔知自己點解喊啦!!一喊就不可收拾,真樣衰...我只能叫阿哥帶我走,我那一刻只係想到要走,唔想再留起o個度,最後阿哥送我上巴士,上到巴士同Ringo傾電話時,自己D眼淚仍然不爭氣地留下,那一刻...不想回家,最終返o在教會,之後,思惠姐姐同我傾o在一陣,我好返好多

我從沒想過,我會是帶著眼淚離開那裡,我不喜歡在別人面前喊,即使是好朋友面前也是,我更加不喜歡在家人面前哭...但今天我竟然在阿哥,陌生人面前哭,更是好似係毫無理由下哭,我好難接受這個我...

我一直以來的價值觀,一直以來認為是對的事...今天面對了衝激,我唔知道我一直堅守,深信的事是否正確,我唔想面對呢D的衝激,或許,這是神給我的試驗,但這考驗太大了,我唔想去面對,我唔想去選擇,我亦不明白為何會遇上,為何試驗,好似常常跟著我,一個接一個的來...