係大約個半月前我做左一份 office 既工。本來以爲應該有排做。點知道做左一個半月就忍唔住 quit 左。原因有好多既。最重要緊係人工太低啦。得＄10一個鐘，扣埋稅得6-7一個鐘。仲要一日做9個鐘。結果第一次出糧仲衰過做餐館。她媽的! 唉, 讀四年大學出黎做野仲不如打一份餐館工。你話係咪好諷刺呢？ 我細細個老豆成日同我講書中自有黃金屋。所以你一定要努力讀書。 到左今時今日我終于明白呢句話既真啼。 原來d黃金屋真係得書中有，現實係無既。所以呢我地一定要趁讀書果時幻想多d。

另外一個我辭工既原因就係覺得自己英雄無用武之地。相信做工既人除左為人工，都係希望自己既才能可以發揮姐。可惜我做既呢份工另到我覺得自己好似係韓信生于微時既感覺。

現在已經辭左工又做返一個雙失青年。唔知我既未來會係點呢？