咘冧の皇國

2007-05-04 12:41:53咘冧

.避世

留言 0 收藏 0 推薦 0

放假第四日.
依然唔想見人.
想柄埋一邊.發下吽豆.

原諒我嘅失約.
原諒我嘅關機.

踏入十八將近一個月.
突然覺得好多嘢唔同咗.

嗰陣鐘意聚會打鬧.
成日一班人打波唱K..褒烟劈酒.
玩埋曬啲講義氣嘅游戲..
嚮往嘅係一個複雜嘅社會.

家陣..
雖然我依然活躍于人前.
不過.
一靜落嚟.
個人就好似入咗玻璃箱咁.

同一切隔絕咗..

以爲經歷咗啲嘢
就會成爲真正嘅永遠嘅朋友

但係..

我覺得我無法融入大家.

開始唔知大家講緊啲咩.
或者係我根本唔想知啦..

越知得多_越攰..

越嚟越唔鐘意傾偈
覺得自己說話能力退化緊.

好憎自己好自私.
唔鐘意人哋煩自己.

我唔開心嗰陣.
都鐘意自己一個人..

不過.
我想有真正嘅朋友.

嗰種.
可以喺我.
唔出聲無反應嘅時候.
都一直陪喺我身邊嘅朋友..

嗰種.
就算我做錯事.
都唔會揼低我嘅朋友..

嗰種.
無論幾耐唔見.
都一樣唔會生疏嘅朋友..

初二開始改變.
變到好浮誇.

由嗰陣開始.
我就唔再係我..
我同最好嘅朋友講 –

゛由我癲一排啦.
我唔想喊錒_.゛

以爲件事好快會淡.
以爲自己好快無事.
結果.
就一直到依家.
都俾人以爲係好活潑嘅人.

唔知係习惯成自然.
定係未淡呢..

過年前見返佢.
仲同Y一齊..

可能真係死心喇.
所以癲够喇.

係時候醒.
係時候做返自己..

......