沉晚同jasper 丞 一齊去漫畫展
都好多人下...mega store 都排左成半個鐘先入到去...
好彩都買到三本漫畫...
之後我地過番尖沙咀食野
本來想打b 爐...點知稻香好鬼死多人
咁咪去左韓燒囉
wow..佢兩個好似成年都無食過野咁...
我早就好飽la...
佢地係咁燒d 炭屎比我食...
佢地又唔食我燒o個d 冬姑同茄子喎
我食食下雪糕又放個咖喱魚旦入黎喎..
不過好好好好飽...
走o個時丞話"contex 易借易玩"
我同jasper 笑到喊...
應該係邦民呀ma...
笑到我差d 想嘔番d 野食出黎

今日一早就入左西貢玩潛水
我約左 tommy 屎王 花生 豆 milk
嘩嘩嘩...呀賢果然無介紹錯...激好玩同抵玩
我們一行90人搭左45 mins 船
去到一個靚沙灘玩沙游水
之後就學點玩潛水
食完飯 又玩左陣沙
就真正潛入水底...
原來有架車係水底..又有好多魚喎...
呀賢真係勁呀...原來佢都識潛水...
下次再跟佢去先...
走o個時又有禮物送喎...
真係抵玩~!

可惜比屎王開口中
呀賢原本係水底潛上黎
諗住幫我地影相
點知一拎部野出黎..
原來o個防水罩"及"唔實
入哂水...
屎王仲話佢部野係海底拎上黎...實入哂水la
點知真係喎~....
佢部野就係咁報銷左la....

等我重新組合d main points la
$99 包潛水 包午餐 包野飲 包睇靚女 包船 包超靚荒島沙灘 包送吸水毛巾
可惜...佢唔知幾時再搞...