今日幾好，
8點鐘出到第一城，
同班衰人開會~
開完我地就返去，
開始排戲，
第一次綵排真係好唔得，
因為大家都未做過舞台劇，
不過之後都好左好多，
我都好開心，
越黎越投入喇佢地！

之後我就同純返去馬鞍山，
架架810都爆~
搭85K，我唔俾佢落車，佢個死人頭真係唔落，
於是就陪左我去新港城囉~
我地去行下街，食下野，
佢就話要上我家睇貓貓，
我又無所謂，去到搭車，
見到我妹，佢就話貓貓會因為單純陌生而嚇走，
我諗諗下又係喎…
呵呵…所以佢就走左喇！
哈哈哈！！

返到家，我就訓著左，
訓左三個鐘囉……

晚上同fanny大吵一場，
事關我覺得佢今日開會唔投入，
話佢知點樣點樣先可以改好啦，
佢就話一直唔妥我，
咁我無野講啦…
打左好多野後，
佢先話同我玩，仲問我做戲得唔得？
死啦去！我仲嬲，
正經是正經，玩是玩！
激到我…
不過諗到佢個Q樣，又係個中二生，
乜都唔顧後果，
唉…算啦…乜怒氣都無晒喇！