今日所有失望都歸於晚上而來。

晚上我出去沙田同施狗同阿暉食飯，
傾左好多計，
我地響西田食完就去starsbuck到飲野，
我同施狗都講起以前女友ge野，
佢對未來有好大期望，
因為佢認為可以追返以前女友，
我則沒有期望，依個都係阿卿自己所講，
佢話唔想再俾期望我，唔想我再為佢做野。
我話男人飛女人，女人要復合，都好大機會。
但女人飛了男人，你都唔駛旨意復合喇！
所以我都唔會對佢有期望，我只對自己未來有期望。
佢叫我快D搵返個，
我都想，可惜唔係話搵就搵架啦！
唉…
大家一齊唉啦！

阿暉應該係最樂觀，
因為佢追緊個女仔，都就黎得米啦…
希望佢可以成功啦！

傾左一陣，我知道原來sanki有男友了，
我唔係唔替佢開心，
而係我發覺原來我愛情運道真係好差勁，
以為自己終於找到最愛，點知是先甜後苦，
還要苦不堪言。

走人時，
我知道施狗自己一個坐車，一定會諗返起女友D野，
我就好D，至少有阿暉陪我坐，咁我都無咁悶。
不過都會諗返少少ge…

返到家，
sheena話我知佢下星期日同再下星期日都唔得閒，
因為有人搵佢做《大娛樂家》backstage helper。
我無野講架，
依家有得做大型話劇ge helper，
我都瞪佢開心，因為我同佢一樣都愛上話劇。
不過我真係好唔開心，好期待依兩個星期日，
可以同佢踩車同去ocean park，
但係依個全部都無晒lu…
原來期望越大，就真係失望越大。
越有期望即越有信心，
咁即係話無信心先會成事啦！
我都唔知點解咁期望可以見到佢，同佢玩，
了解下佢係一個點樣ge人，
可能因為未見過面啦…
唉…不過知道佢可以去參與依D大型舞台劇，
我心中不由一陣痛楚。
講出黎以為好勁啦下，話劇導師，
自己除了《陰質》後，就無參加過其他大型話劇，
我真係好想上到大舞台上，得到觀眾笑聲，得到掌聲，
無奈，我地運道和別人總是不同，
sheena契爺是有名SM，識人又多，
自然多機會罷了。
我呢？
我不知多渴望能參與演出，做個helper也好，
至少可以學到東西，
但是我人生就是這樣，我沒有資格做的，我偏去做。
我沒有樣貌，我卻偏想去做一個演員，
我沒有後台，我卻偏想去玩大型舞台劇，
唉…我發覺我真是一個矛盾之極的人。

再晚點，
我和小魚傾開有關新一代ge野，
講起新一代，我可是完全失望，
我以為佢自由，吸收唔同人士做野，點知呢？
咪又係同社會一樣，
去睇下張證明唔到工作能力ge 大學學歷，
我有乜好講？
唔通我為左咁走去讀我無興趣ge大學？
浪費十幾萬去讀四年？五年？六年？
我有時發覺…
我係咪真係走錯路，中七之後依兩年以來，
我係咪真係走錯路，
如果係，希望有人話我知，我唔想錯落去，
依家轉頭，都仲有希望，
做個無無聊聊ge文員仔，渡過一生就算喇！

唉…
真係好無心機…
好無心情…