睇「家好月圓」，大家都會覺得紅姨賤、嘉美奸、莎姨煩（夠喇，潛伏o係無線做編劇o既粵華或培正校友，請你唔好再將d女角o既名改成阿Sa，好煩呀！）咁你地覺得，邊個先係全套戲最大o既奸角呢？

　　計我話，梗係Jo飽啦！！！

　　貪戀美色，拋棄糟糠，搞到成頭家散哂，已經稱得上賤男。算喇，同荷媽離婚咁耐，過o左去就過o左去啦。Jo飽而家都同紅姨結婚十幾年，紅姨名正言順係佢唯一o既女人，咁點解呢個男人又仆返去個前妻度呀？

　　抽離d講喇：一個男人，有o左老婆，又同個ex藕斷絲連；無論當年佢兩公婆點解會結婚，又無論個ex對佢仲有冇感覺，又又無論佢對個ex仲有冇感覺－－老婆就係老婆，有老婆又黐住個ex就唔o岩！搞到個老婆抑鬱就唔o岩！紅姨d奸計係奸，但佢又講得o岩喎，邊個女人甘心個老公比人分一半先？

　　校友編刻一開始就話比全世界知紅姨o係呢套戲負責做大奸角，咁就淡化o左一個賤男o既惡行。女觀眾們，睇戲梗係要獨立思考啦！