琴晚 高中同學聚會 起大王洲
結果 我飲大咗..原因?
我都唔清楚 祗係不知不覺咁就飲咗好多..

我的確係因爲唔開心 因爲 我發信息俾佢 無回 電話 無聽 我仲以爲佢出事
我真係發覺自己咁樣落去真係好可憐
連我自己都覺得自己嘅眼泪好廉價 成日因爲小小事就喊
我真係一個白痴

結果 麻煩到fs照顧我..我好過意唔去 同時更多嘅係感動
其實你哋同我講嘅大部分話我都記得
其實我一直都明白 自己嘅位置
係你同我講嘅 可有可無
但係而傢已經唔係了 我成咗佢嘅負擔 佢嘅煩惱

我記得嘅係 琴晚 我講咗無數句 對唔住
真係好笑 點解我潜意識一直存在呢句話呢

sj嘅一句話我記得好清楚..傻妹..點解要搞成自己咁樣..值得麽?
最起碼俾翻小小尊嚴自己..
f2嘅話..你想要之嘛!揾翻lq囖!你而傢做緊嘅嘢就係lq咁樣!

結果.我喊到收唔到聲..仲好白痴咁樣叫佢幫我打電話..
f2.話.好.打埋呢嗰.以後你要刪咗佢電話`
結果..我都係唔肯..

仲有f同w同我講嘅嘢..我都記得.多謝你哋..


好多好多事..一定嚇親你哋了..
從來都無見過我咁竭斯底里..
連我自己都未見過..
我真係越來越迷失咗自己了..
而傢.酒醒了.人都醒了..
我唔可以再咁傻落去了..
咁落去祗會另人厭煩..

我醒了.你哋唔使擔心..

對唔住 不過真係好多謝你哋

ps:我最愛嘅fs..多謝你哋..