Dear 楠,

A-Level o既壓力我都試過，真係幾難頂。因為a-level d 野仲難過u 讀d 野。不過我覺得呢個都係一個好o既歷煉，人有時要不斷咁摧毀同重建自己o既信心，先可以變得越強，仲要係從心裡面強出o黎o個隻。

其實你千祈唔好怕實用文，亦都唔好當係考試就算。因為實用文真係好實用ga，我依家想學返tim呀。基本上實用文都係格式一定唔錯得，錯一樣就會扣分，而得分o既方法，就係盡量令到你篇文章好似真o既一樣，而唔係用o黎考試。好似，如果佢叫你寫邀請信，記得寫details d ，例如時間地點一定要清楚，約對方係邊度等，附近有無停車場呢？對方o黎做mer呢？要準備d mer呢？

又或者係會議紀錄o既話，你就幻想下你平日同同學開會o個陣，有邊個出席，邊個缺席，邊個列席呢？上次開會o既事項有無報告呢？今次開會要決定o既野係mer呢？有無臨時動議？佢地o既意見係mer呢？投票結果又係點？最緊要係有開會散會時間，同埋主席同你自己o既簽名。

總之，要details，但唔可以長篇大論。只要簡要咁記低要記o既野就得喇。格式唔可以錯，前面用敬啟者後面就唔好用祝XXXX喇。實用文係好多人忽略o既一科，所以只要穩守特擊，反而會高分。其他o個d 考試係睇你d pt，你諗下，個marker一唔同意你個pt就死啦。點同實用文咁逐個逐個pt 計呢？

記住加油呀!!!!!!

raku pocari