2002年5月17日 晴

屋企個電腦爛爛地,個mon得翻16色......打去技術支援又遇著個沒禮貌的傢伙,問他問題令你好似好無知o甘,他好想快d收線......最終個問題都沒有解決

跟住去左金鐘交個人八達通申請表,原來真係下學年取消乘車證呀,如果要申請就要快手啦,聽日deadline(不過遲些都可以,不過就要俾多二十蚊)

人爛開有條路,尋日臨考試之前爛左副眼鏡.雖然我近視唔太深(都三百幾度),但係無眼鏡就真係有少少盲的感覺,考試連鐘都看不到...灰...
今日臨急臨忙去買返個眼鏡,遇到個靚仔哥哥...哈哈...(戴住口罩...但服務態度一流)不停的向我推介某牌子的無框眼鏡(就係Estee那款),原本都唔想買,費事撞款,不過其他無框又真係質素上有幾大距離,個眼鏡又輕如無物(少少誇張),加上半價(!),最終都買左...因為無人贊助,所以大出血(注意:半價左都大出血,所以無半價買左的人實在好富貴...哈哈)

頭痛住打字真係有d辛苦....