…lee排，我地都變左烏鴉!
…上星期三，媽媽拎左我張學生証去影印for房屋署，一直都忘記問佢拎番~ 直到星期五，番學見到車li…
我講左句﹕我地今日唔會落圖書館，應該唔需要學生証架?! 如果連番學都要check，我都認命黑仔喇!” 點知…一開門，
有個職員小姐﹕同學，學生証!
我都估唔到我既即時反應係想掉頭開門，彷彿下一步就係拔腿就跑咁! 車li事後講番果下真係俾我激死! 我唔可以大方承認自己冇帶架喎，仲要好似d黑市勞工遇到警察查身分證想掉頭走咁! 哈哈……笑死我!then我又要扮晒有帶咁拎銀包搵…仲要問番果個職員一句 “何解呀?”…仲要去睇下附近塊board點解要check學生証! 後來都俾個職員篤爆其實我冇帶，嘻~ 其實我係驚佢唔俾我番學喳! 剛才果d都屬於我既本能反應!
…前日，遲大到趕番學print project，入左咭，突然想講 “唔知會唔會冇$架喎!” 我都未講完，printer就停左! 真係冇晒$ !吹漲…
< 車li鬧左我幾日﹕妳真係好烏鴉呀! >
…下午，finance堂派功課，羅倫斯好興派功課前都會大爆學生譯既衰野出黎等大家 “欣賞”! 但佢好彩今次冇show晒所有人就捨得派! 車li又講 “一陣佢發現新大陸…” 講到一半，羅倫斯即刻衝上projector度再show “新大陸”…車li又做左烏鴉喇!
…今日，為左唔再係mad姐堂遲到，特登好準時咁出門口搭271! 撞到milk，佢俾我排佢後面，不過我地都排得好後架喇，佢臨上車時講左句 “唔知我地會唔會冇位坐呢?” 點知…我地真係要企! 我第1次搭271係要企番學呀! 不過一齊傾偈都好開心好快就到…難為見到佢真係隨時訓得著果個樣都要企咁耐好可憐嘛…