←圖片係我 o既好朋友 影帝 拍攝 o既 ^__*

2005年3月24日傍晚 , 我同媽咪、爹o地、大大佬、大佬、靄雯 , 起程去台灣 台中 大佬 o既屋企 . 一落飛機 , 就見到兩個比 大佬 矮半個頭 o既年輕人 , 約莫有 21-23歲 , 原來佢 o地係 大大佬 o既長子 同 二佬 o既長子 , 佢 o地揸車來接我 o地 .
返到台中屋企 , 見到好多人係度(有 2、30人) , 自己有 D 嚇到 , 捉住 大佬 隻手唔敢放 . 之後大家一齊食飯 , 係 D 嫂嫂 同 三家姐 煮 o既 .

食完飯也都認識 o左唔少屋企人 . 我發現同 o果 D 長子 、次子傾計會有少少代溝 , 所以冇幾耐我就趴係地上度同 D 十幾歲 o既國中生 o既侄仔、姨甥仔玩車、棋、棋靈王戰鬥卡 . 點知玩 o下玩 o下 , 我特然俾人將身體提到半空中 , 原來係 大佬 , 佢問我 :“你係度做緊乜 o野 ?”我就笑住講 :“我係度玩啊 , D o野好好玩 .”( 我心諗 , 盲 o既都睇到我係度玩啦 , 大佬 咁都要問 , 真係呀 . )只睇見 大佬 翻白眼做暈低狀 , 之後我聽到有人問 大佬 :“佢真係 27歲啊 ?”我當然係 27歲啦 , 有身分證證明o既 , 不過我個 baby faec 好鬼麻煩 , 成日俾人誤會我十幾歲 , 咁多年我都習慣囉 , 唉 !
夜晚 o訓覺 , 我同大佬 o訓客房 , 因為 大佬 間房只得 大佬 o既大大雙人床 , 而佢又唔會同人同床 , 我自己一人 o訓客房 , 大佬驚我 o訓唔慣 , 所以陪我係客房 o訓 , 客房有兩張大單人床 .
第二日 , 我 o地一早八點起身 , 出發去彰化祭祖 . 雖然只係 D 兄弟姊妹、侄仔、姪女、姨甥仔、姨甥女 , 都好鬼多人 . 大家姐、二家姐 , 兩家人係法國 , 冇辦法來 , 咁都有大約五十幾人 , 真係 嚇到我 .

2005年3月27日夜晚 , 我同 大佬、靄雯 , 三人起飛去法國探望大家姐同二家姐 兩家人 . 爹 o地、媽咪 , 3月29日從台灣飛去德國同我和大佬、靄雯 , 係德國會合 .
去到法國 , 大姐夫、二姐夫 , 來接我 o地機 . 返到巴黎 o既屋企 , 原來都唔少人 . 大家姐有五個仔女 , 二家姐有四個仔女 , 加埋個老伯伯管家 , 同 靄雯母親 , 同 靄雯 o既兩個細佬 , 都有差唔多二十人 .
係巴黎我 o地逗留 o既時間唔長 , 巴黎時間 3月29日下午 , 我同大佬起飛去德國 .

到 o左德國 , 見到好多 爹 o地、媽咪同大佬 o既好朋友 , 一樣都係好多人 .
係德國大佬最開心 , 佢同佢 o既死黨揸小型飛機 , 得閒冇事兩人玩飛花式 , 我真係俾佢地嚇死 , 坐 o左一次佢 o地揸 o既飛機 , 打死我都唔坐第二次 <(‵^′)> .

由於係德國要見好多人 , 同好多人食飯 , 佢 o地都係爹 o地、媽咪 o既世交 , 同好鄰居 , 所以我 o地冇時間去揾文章上 o既倆姊妹 .
其實我依家覺得 , 去唔去揾 o果兩姊妹唔重要 . 重要 o既係 , 我同大佬過好我們未來 o既生活 (*^_^*)