↑圖片係我掃描 o既‘法國 coffee shop’o既商標 , 也都係舖頭名 .

今早我同大佬講 :“影帝 今日同 BF 去動物園 , 我都好想去 , 可惜香港冇動物園 (~>_<~) ”大佬就話 :“下午我同你去 ‘美孚園景公園’玩好嗎 ? ”我聽完開心死囉 (*^_^*)

‘美孚園景公園’係我好想同大佬一齊去 o既地方 . o果度有小河流水 , 園林雅亭 , 也都有 兒童遊樂場 . 係個我認為好浪漫 o既地方 , 但係我唔想一個人去 .
我 o地好早食晏晝飯 , 十二點我就同大佬出門口 , 由我揸車 . 點解唔俾大佬揸車呢 ? 因為 , 大佬揸車 , 唔係叫揸車 , 而係叫“飆車”. 所以我係唔俾大佬揸車 o既 <(‵^′)>

由於唔係週末 , 公園好少人 . 我同大佬係公園入面行 , 見到 D 阿伯 , 佢 o地話 :“兩父子行公園啊 ? 個仔真係孝順啦 , 我 D仔都唔同我行囉 , 仔大仔世界 . ”我同大佬相對而笑 . 阿伯又問我 :“讀中幾啊 ? 考試沒啊 ? 俾 D 心機讀書哦 . ”我忍住笑話 :“讀緊中五 . ”D 阿伯又話 :“今年會考哦 , 俾 D心機溫書 . ”同 D阿伯傾 o左一陣 , 我就同大佬行去涼亭仔 , 我 o地忍唔住笑 . 就係咁 , 呢半日係公園度我就對住大佬叫“老竇”.

玩到約莫五點我 o地就揸車返入屯門 , 想當然又係我揸車 . 入到 屯門 時 , 大佬話 :“我 o地去 吉之島 ‘法國 coffee shop’食 o野好嗎 ? ”我聽完好開心咁話 :“梗係好啦 . ”(∩_∩)
呢間‘法國 coffee shop’係我好想好想同大佬去 o既 , 但係大佬點都唔同我去 . 入面黃暗 o既燈光加上輕悠 o既音樂 , 仲有好多好多幅圖畫俾客人欣賞 , 令到氣氛好浪漫好浪漫 . 雖然 D食品貴 o左 D , 但係物有所值 , 因為 D食品好好食 .
去到‘法國 coffee shop’大佬幫我叫 o左個 寬意大利三文魚套餐 , 大佬自己叫 o左個 牛角包沙律套餐 . 我 o地揾 o左個沙發位置坐低 , 我以為大佬會坐我對面 , 點知大佬同我坐同一張沙發仔 , 仲幫我整好 o左餐具 , 我開心到想喊 . 大佬 仲握 o左 握我手幾下 , 搞到我開心到死 . 我覺得今日大佬好唔同 , 對我呵護有加 , 而呢 D呵護 , 係發自佢內心 o既 , 我睇到大佬 o既眼神係笑得好幸福好幸福 .

返到屋企我話 o左俾媽咪 , 爹 o地 , 大大佬 , 大大嫂知 , 佢 o地都好戥我開心 (*^_^*) .

其實我今日咁開心幸福 , 我要多謝一位我 o既好朋友 影帝 . 影帝話 , 我大佬有時蠢蠢 o地 , 唔同佢講你想點 , 我大佬就矇 o下矇 o下 , 所以琴晚我就同大佬講 o左我心入面 o既諗法 . 諗唔到大佬今日咁鬼浪漫 , 我覺得好幸福好幸福 (*^_^*) .

兄弟之間也有唔同 o既浪漫 , 唔同 o既兄弟情幸福感覺 (*^_^*)