成日以為仲有半個月先交學費, 點知原來deadline已經得返一兩日, 但仲有10日先出糧, 死得。不過好在平時收收埋埋有幾千蚊cash, 連埋銀行o個d, 總算o岩o岩好夠俾, 如果唔係就要用Credit card cash advance喇(最憎credit card呢個功能)。

好耐都冇試過戶口得返咁少錢, 不過原來都係一件好事。起碼我可以檢討一下過去兩年我用錢o既模式, 係唔係出左咩問題。

除左買CD同DVD之外, 其次就係買書, 呢三樣野都的而且確係幾用錢o既。不過我發現我仲會洗埋d無謂錢, 即係例如個袋有樽水, 又要入七仔買野飲; 明明仲有幾盒薄荷糖, 但有一日唔記得帶出街 就會走去買多盒; 見到d情景擺設幾得意, 又會幾十蚊幾十蚊咁去買, 不間屋細到癲, 返到去都冇機會擺出o黎。數數埋埋都仲有好多戇居野不能盡錄。

呢幾日就食飯都要諗過度過, 不過過程唔難受, 反而有d開心, 起碼我發現原來平時會洗埋d無謂錢, 我真係希望過左呢十日都仲keep到呢種情緒, 咁我一個月肯定會慳返唔少錢。

CD同DVD都會盡量少買, 一來已經冇位擺, 二來真係要清返D舊數...起碼有十幾套DVD買左返o黎未睇。