四月二十八日 星期四 晴
　　因為五月一日我大表姐（我爸爸家姐個女係唔係叫表姐？）結婚呀！所以我爸爸都一早請定大假呀！我就一早叫佢請定年假呀！唔好話我唔比見我屋企人，因為呢一日係可以一次過見到我所有屋企人呀！哈哈可以一次過唔洗煩呀！

但係今日個死人頭話我知佢無得放五月一日呀！唔係呀馬之前一路都話放得呀！無啦啦又話無得放？點解呀？下….泳池開一定要你係到？你又唔係救生員又唔洗你救人，你又唔係工程部個泳池有咩事你都唔識整啦！都唔知你番工可以做得咩呀！又咪係到無聊無聊係office到坐…..

　　我都唔知佢想點，佢公司成車人係到啦，佢兩個老細都係到都唔知請咩一定要佢番呀！但係如果我係佢上司，明知我叫佢幾時番就番，佢一定唔會出聲唔會有咩反對。做咩唔叫多個人番去呀！多個人係到咪可以唔洗做呀！

　　總之佢五月一日唔到就唔洗指意我會理佢呀！