四月二十七日 星期三 晴

　　太好啦！今日午餐同晚餐都有人請呀！哈哈！雖然我番呢舊公司做已經成兩個幾星期呀！但係一直都無機會同同事出去食下飯，哈哈因為我地好忙呀！佢個我老細下星期要出要開個，又得我一個係office 又無皇管呀！

　　所以我地就一齊出去食下飯，同買公司要用的電腦用品。兩個女仔都無咩好食，又咪係去食日本菜……但係食咩都好總之唔洗我比就得呀！無法啦鬼叫我窮呀！

　　不過我真係好幸福呀，因為我有一班好有我心的朋友呀！Elaine 佢勁忙都抽時間出呢同我食飯，同我慶祝生日呀！雖然已經過了成兩個幾星期，但係無所謂啦有心唔怕遲，遲到好過無到呀！所以我一放工就飛去沙田揾佢呀！

　　我地係沙田新城市行到成八點多先至去食飯，玲玲姐話去食pk cafe！係呀係pokkacafe！係新城市都算係數一數二叫貴價食店，但係玲玲姐話呢道好食呀！唉….好貴呀！雖然唔洗我比錢，但係我一向都對食唔係太高要求，所以我真係覺得去pokkacafe食真係好唔值呀！

　　不過今日好奇怪我地只係叫兩個set dinner 同一個三文魚沙律，但係都食唔得晒重淨番好多，個甜品重無食個呀！但係我地上一次三個女仔（同埋雪梨）去食都係每人叫一個set dinner同兩個小食都食得晒呀？點解呢？

　　算啦總之我地兩個食到飽到唔係太願行，但係大家都要番屋企睇「大長今」，所以只係傾一陣就番屋企呀！^-^