四月二十三日 星期六 晴

　　嘩！我都好耐無番過大陸玩呀！上一次已經係不年前呀！而且亦都係第一次成班人一齊去成八個呀，都係因為大家已經唔同公司先可以呀！但係我地都可以一齊出呢，玩真係好難得！！

　　我同駱駝，金比大眼仔，娜娜子基基都放早，所以就約早少少去食午餐再等銘銘。同得大眼仔食就多數都係食雞啦！娜娜子同基基突然打呢，話公司遲放要同唔到同我地一齊食但係會三點半前到。

　　大家最後都要四點先出到發，因為佢地都玩遲到過。關時除大眼仔之外個個都可以好順利，後來先知佢個回鄉証重係八年前個樣，即係一句講哂柒到爆。同之前一樣大家都要經過的士同乞食黨先可以上到的士。

　　我地因為太多人要分的士.....所以就出事啦...我地到保齡球場都未見其他人。駱駝話無咩理由會遲過我地呀，我就好驚係唔係個司機唔識路，定係我寫錯名令佢地去鬼另外一問，最怕就係佢比人車去映知邊一到....打比娜娜子佢又無我開手提...好彩佢都找到我地，但係下一次我一定會買多一份地圖比佢地....

　　我地用了三十五蚊打四局，真係打都手都斷呀！我地班女仔都係打三局呀！最後都係佢地班男仔四個打，哈哈！真係香港區大戰新界區，大眼仔，基基，駱駝，銘銘個個都好似食左葯，之前局局都有人落坑，但係呢一局大家就神乎經技，差唔多球球都補中或者係全中呀！

　　銘銘就最好笑，之前就球球落坑，但係呢一局就頭兩球全中，總之之前三局加埋分數都唔夠一局多。比我地話佢係到扮蟹，要捉佢去驗尿！！但係最後都唔係佢嬴，係駱駝嬴呀！因為佢最後幾球都可以補中或者係全中，唔通佢食左葯？

　　之後我去食飯呀！因為大家都唔係太信大陸舖頭，所以都係去大間食巿食。我地就去我所時去開間分店，我地八個人開一間房坐都只係加多三十呀！重有得睇花式沖茶，不過杯茶就太甜，好似糖水呀！最後比錢都係三十幾呀！