四月二十日

　　今日駱駝去完懲教個體能測試就呢找我食飯，嘩!太好啦! edith 放假之後都
係得我一個係公司，真係悶死的呀! 但係最衰佢唔係請全日假，如果唔係我放工
之後都可以去行下呀! 不過佢只係請半日呀!

　　我地食完飯之後，就傾番佢今日考體能時的情況呀! 佢話用一分鐘做44下sit
up 都係得4 分(滿分係五分)，下唔係呀嗎!我一分鐘最多咪得25下.....如果我去
考一定唔合格。另外一個就考跳高，佢一跳就跳到58cm呀!下.....58cm....本人
彈跳力係zero....。跟住佢就係office到教我跳高，跳下跳都可以到30cm, 得一
分。

　　佢另外兩個項目我考的話就有機會拿高分呀! 咪係來回跑同拾豆袋呀! 中學時我個體育miss 話我地女仔跑來回跑會有過男仔少少呀!因為我地個重心比較低轉身比較容易同快，所以我跑呢個會有信心呀! 而且我平日(以前)有做掌上壓，所以呢一個都係比較容易拿高分呀!

　　最後一個項目就係我最唔得一項--800米。八百米真係好難跑，長跑又唔算，短跑又唔算。又唔可以留前，又唔可以勁跑.....所以我諗我都係唔合格多呀!哈哈!好彩我無去考懲教呀!如果唔係都幾.......白痴......