這個劇本寫了很久，文筆上幼稚得很，不要期望過高，應該有些人已經看過，請抱著無聊時解悶的心態去看算了。

------------------------------------------------------------------------

Scene 1
平凡生活

(班房中，所有學生專注地上堂，但卻有兩人不時偷望一角的空位)
(Fresh Back)

純︰可惡呀！阿媽妳做咩唔叫我起身呀？攪到我而家嘔哂白泡咁換衫
媽︰哎呀，妳阿媽我呀做梗mask 呀嘛！何況你都係中六學生啦，係時候自己起身啦，唔好再咁依賴啦
純︰媽呀，唔係中六唔中六既問題呀，況且今日係開學第一日，點都叫一叫下我啦…………咦？開學第一日……八點啦……遲到啦……妳又害我要用天雨夜行返學啦……

(返學路上，一架電單車飛馳而過)
緣︰阿純，我先走一步啦……班房見啦…
(大閘關閉)
David 叔︰認命啦！阿純，年年開學第一日你都係遲到架啦，都唔志在今年啦！
(上班房)
蠢佬︰純仔，同我去教員室整杯咖啡黎，再順便攞d note 過黎，之後………
純︰(遲到都唔使咁差使我做十萬樣野架，我又唔係你既assistant)
蠢佬︰你當然唔係我assistant 啦，等我話你知你衰咩啦，唔……就係莫須有，detail d 黎講就係擾亂上堂秩序，影響同學心情
純︰我感受到個陣岳飛係咩心情啦
(純走向教員室)
蠢佬︰咖啡要少奶多糖……d note 係………
(小息)
緣︰阿純，你知唔知今年隔離間女校邀請我地話劇組過去做開幕禮表演呀？
純︰吓！點解我會唔知架……幾時講架？
天︰你梗係唔知啦，今朝早會個陣宣佈既，我諗個時你仲係度閘外面企梗呀
緣︰唉……算啦，佢呢d例牌野，唔使再提啦，講返個演出啦，下星期一呀
純︰咩—野—話！剩返一個星期！咁咪又變左排戲地獄！！
天︰又唔使咁緊張既，好彩我地之前寫左好多劇本，而家剩係要排戲都黎得切既
純︰冇錯！又係我地話劇組首席男演員燃燒小宇宙既時候啦，哈哈哈哈哈哈…
緣﹑天︰依然係白痴仔一個，唉！