28-8-1599

酒店食完早餐就出發去第一個行程 - 支笏湖參觀。 心唸係唔係等outlet開門?? 逼不得已周圍逛逛, 欣賞下大自然啦!!

沿途都有幾間賣精品既地方, 北海道係唔係出名薰衣草? 連hello bb都紫埋一份? 不過我真係好愛紫色........^^

之後入左間無料博物館逛.......入面都幾大, 有個松鼠館影左好多好靚既相, 而我都忍唔住翻影.......可惜係.....當我搵到一d鍾意既野, 想同另一半分享既時候, 佢竟然專注另外一樣野......而且對d相一點不感興趣。 算啦......

估唔到睇完相相之後, 係門口見到日本版can can, 超可愛, 又肥美.....真係好想掂下佢, 不過又唔敢...最後都係影番幾張相算啦!! ^^

離開依度就出發去千歲時尚outlet, 感覺無東京果個咁大, 無咁多野買, 不過勝在地方細細, 好好行........我們快快九秒九試左壽司, 終於試到日本壽司, 真係好新鮮....特別係炸物, 比起香港真係好味好多呀!!

唯一唔同既係, 我們開始分道揚鑣, 再唔係連體怪, 佢去食拉麵,而我就去shopping, 好唔習慣一個人周圍逛, 當然無收獲......因為我習慣有人陪去買野先開心, 除左一d必需品會自己買之外.............

最後都有少少收獲, 逼佢買左條hugo boss既jean, diesel既belt, 我都有份買, 仲有買多條levis........其他都無咩岩lu~~ ^^

跟住出發去機場, 佢又表演拖二個大行李, 一箱零食, 一盒蟹, 4個蜜瓜.....
哈.........幸好我們call定的士..........

驚心動魄香港航空的回程機.....安全到步返到香港!! 結果5天之旅.........