內心世界~

2008-09-16 18:31:22比比

北海道的第三天-1597

留言 1 收藏 0 推薦 0

26/8-1597

瘋癲夫婦又出動, 凌晨4點起身, 換衫準備出發搭酒店第一班shuttle bus, 之後轉搭cable car去睇日出雲海, 登上高峰之山出面好大霧, 咩都睇唔到, 只知道真係好凍, 好凍, 好凍.............

cable car費用原來包括埋大褸, 咁都好d, 真係好似落雪咁凍呀!! 上到山咩都睇唔到, 今日天氣麻麻, 太大霧, 不過感覺真係好攪笑, 一望無濟既山, 只有我同佢二個, 靜靜的......反而有一種寧靜得來令人平靜既感覺呀!! 雖然睇唔到日山, 但係都值得來一來感受一下, 大自然既寧靜感覺。

行完山, 落一層就有cafe shop, 不過我地無飲野, 反而快快趕落山, 因為北海道酒店食早餐, 真係手快有, 手慢無, 晏左就要排隊架啦!!

幸好去到仲早, 6點幾, 食第一輪, 唔駛等位, 食完返房拾野, 準備今日既旅程!! 當然......幸福唔駛拾野既老公, 就有得休息, 而我........>.< 嗚...嗚...嗚..無得休息,要快快拾野趕出發呀!!

搭2-3小時既長途車, 終於來到魚市場, 大家急不及待周圍去睇海鮮, 可能有比較, 感覺澳洲既fresh market大好多, 北海道反而真係細好多呀!! 而且好攪笑, 依邊買海鮮, 另外一邊賣hello bb.......^^

今次叻女, 買最細既蟹好啦! 反而想試多點其他野......團包埋個爐, 岩哂唔食生野既老公..........開餐啦!!

係唔係睇到都好想食呢?? 來到北海道一定要試食蟹刺身, 因為其他地方都係食熟既凍蟹, 雖則生既無熟既咁鮮甜, 但係我本住咩都試既心態, 一定要試下。

仲有香港平時賣既北寄貝係熟既, 宜家呢? 係生架..........哈.......

不過真係唔夠元貝正, 我真係唔捨得熟食, 生個一種鮮甜真係講唔出呀!! 總之就100分啦~ 可惜係跟團唔可以慢慢食...........唉............

如果可以之後煮埋粥仲正呀!!

食飽飽就出發去登別, 一個出名浸溫泉既地方, 去睇下個泉眼呀!! 當然要同埋依對登別守護神影番張大合照呀!!

最無聊既行程就係參觀忍者村, 睇左場忍者show, 參觀左幾個館, 就走啦!!

跟住就返酒店換衫, 去食自助餐, 抖一陣, 行下去浸溫泉~~ 哈.....我又獨自去浸,幸好無撞到團友....而且日本人都唔多......^^ 好舒服一個人包池呀!! 不過最唔鍾意係望到房既?? 好似無咩私隱......>.<

浸完池, 抖番陣, 試左當場既beer, 真係好好味呀!! ^^ 而佢? 訓到成隻豬咁............可能能力真係唔及我, 哈..唔夠我反..

上一篇：**北海道第二天之開心生日之旅-1596**

下一篇：**北海道的第四天-1598**