清晨玩完熱氣球, 食完早餐返房休息, 休息? 老公就真係休息..而我就繼續拾拾拾, 準備來既既旅行用品......所以無休息過...好累呀!! 估18,22...成晚唔駛訓..又去玩...上到車已經半死, 但係澳洲好奇怪無乜車程...話咁就快就落車準備新既行程..............

熱帶雨林區-夢幻之旅...點夢幻唸成晚無訓, 入到去腳浮浮, 似仲係發緊夢卦..hee...一入到去導遊就安排同樹熊影相, 今次就要自費澳幣15蚊一張..我選左細size....點解自費仍然有人去影, 原來係可以親自抱樹熊一齊影相...初時唸住老公抱, 但係見到真係太可愛..好想抱佢..結果換左我抱.....佢超得意成個bb咁..一到我手既時候, 就自動抱住我, 仲好怕跌添....^^

跟住去睇土著show, 講真去親旅行都有依d show, 一半都係悶......座係度就想走..bali試過啦!! 但係今次真係超爆笑......因為全場佈滿日本學生交流團, d女仔一見到d土人就尖叫........勁笑.........(有陣時唔明究竟有咩好笑?) 估唔到d土人超玩得...佢地尖叫..又玩埋一份..結果全個show真係唔捨得走...玩到勁high......笑笑笑..到連我地班香港人都傻埋一份............

觀賞回力鏢, 飛予, 吹號角表演...影下相......

依部就係第二次大戰留下的ARMY DUCK水陸兩用戰車, 估唔到宜家變左旅遊觀光車, 帶我地參觀依個森林.......

初時唔留意佢係水陸二用車, 行到去河邊既時候, 司機笑笑問大家想落車定係繼續行路....大家答落水..落水........個陣真係幾驚..攪咩呀?? 落水...原來佢真係落得水架.............勁......

觀光有咩好玩, 唔知體驗一下大自然....望上天真係似一副畫...澳洲日日陽光著照, 人既心情真係開朗好多架........

玩完之後一齊出發去場機場, 估唔到落黃金又要轉內陸機......搭到怕..幸好今次係2個小時間左右....即係去台灣咁上下..話咁快就到...都OK!!

因為成晚無訓...一上機二話不說.........訓..訓..訓...........

開始相信依個真係美食豪華團, 係飛機上面既晚餐, 唔算係正餐, 一LANDING就渣車去食當地著名既海鮮酒家....嘩..出面貼左好多明星相..入面全部都係華人, 仲要係香港人添呀!!

有人打邊邊, 個感覺似返左香港呀!! 而且D野食...一流呀! 食到唔想停, 第一次食團餐個感覺咁開心........D蝦好味到不得了......仲有蟹...食到飽到反肚都想再食.........((如果自己去食一定超貴))

睇....仲有加埋鮑魚, 自費澳幣55...真係超值, (幾豪一人一隻架)呵>>>...幫你煮埋個賣相唔錯...而且真係好好味..入面好淋...入哂味..........哈..突然覺得自己好似發左咁......食得豪, 玩得豪, 住得豪.........不過暫時仲未洗得豪....呵....

跟住返酒店CROWNE PLAZA ROYAL RINES RESORT, 一聽到CROWNE個感覺唔錯, 可能澳門個間酒店超正卦.......入去到都OK!! 舒服...因為一連住三晚架....唔岩心水就麻煩..幸好滿意收貨。 唔駛日日拾野..終於訓得安樂囉........