24-4 (1473)

終於可以拆左對黑白甲, 超樣衰一隻手指起gel, 一隻手指邊離甲~~
而且黑黑白白好dry~~ 所以今次拎起相簿, 見到黑, 白都要out~~
鎖定目標唔再三心二意, 就係咁bearbear summer nail出世啦~~
男左女右, bearbear囡對眼睫毛仲好長好靚...(小玲果然有一手)
因為我d手指真係好細粒...辛苦哂佢啦!! ^^

極鍾意小玲畫花...每次都比人讚~~ 但係又心思思想整實色爆石~~
所以同carmen講....可唔可以book早點去整甲...因為手就只有一對, 但係甲就好想整好多套.......(睇來多多性格又返來啦)

小玲望一望我, 問你係唔係瘦左?? 我答佢on diet中, 呀滕既反應好誇張~
問我究竟想減d咩?? 之前所講既地獄瘦身計劃, 其實仲未開始架~~ 只不過比親愛的老公嚇一嚇, 即時唔見左幾磅....今晚完全連食dinner意識都無埋添, 擔心自己暈係街...所以臨訓快快沖碗麥片食~~

今日應該係食得最清的三餐!!
早餐: 麵包一個, 中午:叮叮通粉, 下午茶:麵包加一包脫脂牛奶, 夜晚:牛奶加麥片......(飲左2杯茶..n咁多杯清水)~~

夜晚收到親愛的電話, 報平安~~ 希望一切安好........
每次佢回家的日子....我也會暴瘦/病.....依d真係宿命??