第七天 - (1089)

結束七天日本之旅準備返香港啦!!

朝早去銀座之前, 導遊帶我地去睇櫻花, 單邊開左一排櫻花好靚呀~~ 而且天氣好好出猛太陽, 可惜係好大風, 真係好凍呀~~

老公做左採花賊, 襯人地去左洗手間既時候, 同d團友採花...
出來既時候見到好多女仔拎住櫻花, 心唸...老公無既? 點知老公收埋係件衫入面, 拎出來既時候係一棵, 話好多女仔羨慕佢採到最靚最大既櫻花....哈!!

於是入d水養住佢...

去到銀座先食左碗拉麵, 個陣11點幾....老公話一陣掛住shopping實無時間食野, 既然行到去食左先(果然跟得我太耐)知道將來發生咩事.....^^

去左blue label買野..正所謂去到點都要買番d野..手袋睇唔岩啦~~ 買左個比媽咪囉.......唯有買belt, 老公就買左條jean, 本人覺得好靚啦~~ 而且幾抵..比起disel的話........

最開心係去板急既時候見到jill stuart counter, 嘩....開開心心買多盒shadow, 真係好靚......今次唔會失望, 最後一日都買到~~

搵唔到某間商場, 於是放棄...去左sogo買生果, 日本既士多啤梨真係勁好食, 不過估唔到二pack生果可以咁重?? 最後辛苦哂老公拎返香港啦~~

買完野之後仲有少少時間...可以去食甜品...都幾好食呀~~ 而且賣相唔駛講, 掂啦!!

非常之重既生果藍......個個人見到都話老公勁...咁重咁多野都拎到返香港, 宜家明白點解去旅行一定要帶老公去啦?? 佢拎野真係好掂架.........哈!!

上次去歐洲就表演行李過磅...今次日本呢? 件件野細細的無問題, 超左少少磅都無問題.........咁今次發生咩事...就係遲入閘......臨起飛先上機囉! 仲比空姐笑....(掛住買野呢??) 哈........

咪係anna siu.........老公好勁咁...叫人分單拎二份禮品(化妝袋), 咁就開開心心可以同呀嫂一人一個唔駛爭....(錫哂你).....

老公同我一齊都習慣買買買,跑跑跑..佢又無咩野..不過我就跑到上機真係嘔左出來..第一次拎嘔吐袋..簡直係嘔到返香港................

返到香港好夜...最後又call的士啦!!