2004年1月13日 星期二

琴晚係我呢排最早訓既一日,12點幾就訓左啦,一訓就訓到今朝10點幾,落樓下阿媽已經煲熱返D湯俾我飲,11點幾阿媽就返工啦,我就係到玩CM4同睇電視,之後Adam打黎,原來佢今日Day Off,佢話想出元朗買褲喎,佢一有錢就身痕架啦,兩點幾我就沖好哂涼去到Adam到,係佢到打左兩鋪機之後就出去元朗啦,我地係元朗廣場落車就一路行啦,條粉腸話要買波,所以先行去馬會啦,買完之後就沿路行到去Levi's Store, 條粉腸話要買Levi's 喎,佢睇中左條Levi's Type 1 既901,之後佢試完就買啦,成五百幾六百蚊,有錢人........不過佢好似仲爭好人好多錢,哈哈哈哈哈...........之後就落左去『X』打機,打完行去千色再行返去元朗廣場,期間我地成日打電話叫小白出黎,可惜小白佢死都唔出...........行到返元朗廣場,陪條粉腸去吉野家食牛肉飯,條粉腸有錢就食牛肉飯加熱檸茶總共16蚊,幾豪........無錢就7仔10蚊排骨飯同飲水咋........See The Difference.......哈哈哈哈哈,我就係度睇住佢食同好無耐咁望住佢同小情人講電話...........之後就落左『M』記,總算佢有返D人性,請我飲奶昔同食薯條,哈哈哈哈哈,之後我記得我留左罐髮泥係小白度,小白到最後點都要落樓,佢落到黎個樣係極唔願意同無奈,哈哈哈哈哈,Sorry同唔該哂你囉,人地女神........之後Adam就返佢既惠康,我就搵埋阿妹返屋企啦,食完飯就車左阿妹去天盛買野,之後就係屋企啦........................

夜晚我決定左開始做受人所託既事啦...............希望今個Week做哂啦