今日本來係要做present同埋溫書架~
但因為真係覺得好累, 好辛苦....
所以我又放棄左....
雖然好似好無聊咁同人吹下水傾下計，
但係都已經好開心好relax~! ^^

今日同阿mon傾左幾句，發覺呢兩年入面我經歷左好多野，
體驗左好多，有開心有唔開心，
不過感覺上自己好似成熟左，
(-.-可能係某d人眼中我依然好幼稚....)
之前成日會以為自己放唔低，
會因一次又一次的失敗而變得更脆弱，
漸漸地連那碩果僅存的信心也磨滅了。
無錯...我可能前世係一隻駝鳥~ 哈哈 =.="
每一次受傷我只會選擇逃避，
因為我天真地相信：唔去諗就當無事發生過~!
我從來都無識過佢，無同過佢一齊，
我地之間無發生過任何央A永遠只係二條接觸不到的平行線。
哈~ 但現實永遠係殘酷架~! 你唔去面對唔代表真係無發生過~
但有趣既係....當你某一次被逼去面對既時候，
你會發現已經沒有以前那麼執著，心亦慢慢放開了....
時間真的很神奇....

有一次某一朋友問我點解要搞到自己咁忙?
哈哈~ 其實...我都唔知...可能因為變成左一個習慣....
由那年的暑假開始，我就不斷幫自己搵多d野做，
就因為"他"曾經對我說過的一句說話....
「你搵多d野做就唔會成日覺得悶架啦~!」
果一刻我只不過係想你多d陪下我姐....
誰不知就換來被煩厭的目光跟說話....
至此我就不斷搵野比自己做，令自己有咁忙得咁忙，
咁我就無時間去諗咁多令自己唔開心既野....
記得舊年我好似有一斷病情減輕既一刻，
但因傷口再次破開而使病情更趨嚴重....直至現在....

之前我係嬲過你，亦嬲過自己，
不過人大了就要懂得"化"啦....
"化"呢個字唔知點解令我諗返起早幾日我不幸既遭遇...
係我搭緊火車返屋企既時候，
有個男仔係大學站落火車果陣突然間係我面前嘔到一地都係...
我不能幸免地中左招 (好彩中左少少咋...真係不幸中之大幸呀~)
最搞笑既係成個車廂既人紛紛走避,
而唯一既受害人(在下)居然好冷靜咁拎張紙巾出黎抺左幾野，
之後居然可以當無件事咁行埋一邊繼續睇雜誌....
我竟然可以咁冷靜?! 搞笑呀~!
可能個人太混沌啦,咩感覺都無晒啦~
我有d懷疑有咩野係可以令我有更大的反應....
"化"? 可能有少少...因為我了解到bygone is bygone~
我開始放開胸懷去面對，收下數月前豎立的刺，
以平常心去面對~
( 我想澄清一樣野，我已經無再針對任何人，
只不過我日前想認真地去做好份功課，
所以對身邊的人可能嚴格左少少，
如果有d咩令到任何人有難受的感覺時，對唔住~!
我唔係有心架..... )
係未真係放得低，我亦都不敢斷言.....

"安全感"?! 好一個抽象的東西~
對它我真的是又愛又恨....
「愛?」自問是一個嚴重缺乏安全感的人，
因此總是抱以懷疑的態度，"信"? 唔係唔得...
只不過謊言一被識破，信用值便會一朝破產~!
很想找一個能給予我十足安全感的人.....
「恨?」正因這三個字令我成為輸家，
我，可能身旁有不少異性朋友，
我，可能不懂避忌，
我，可能不會把情感放在口邊，
我，甚至不能輕易娓娓道出「我愛你」這三個字，
但我，卻深知情人跟友人的分別....
一個我以為會了解，但原來在我久缺表達下依然會誤解，
開心、幸福、失望、傷心....一切都經歷過了，
如過山車的人生，其實也算是好運的，
起碼不會淡如開水，起碼曾經有過經歷，起碼到老後有所回味，
起碼到死時亦知道自己曾經活著.....
(哈哈~ 好hyper呀!慶幸直至作晚跟友人談天時，
仍能理直氣壯的道出：我沒有後悔~ 真好~! ^^)

強顏歡笑可能會減輕對方的傷感，
無名英雄可能好偉大，
四周的人開心可能能令到自己開心，
不過我始終崇尚：對自己好一點，這一個理念~
站在另一個立場，當我在一次偶然的機會下洞悉一切，
心，還是會痛~ 不是因為那舊有的傷口，
而是替你感到不值，及那一點點的不捨....
(突然有點想那一朵美麗的曇花，空氣中的曇花....)
你並沒有虧欠誰，即使你認為有，
昔日你所做的已足以彌補，而我亦感受到了~
勿讓我已/快放開的手........(邪靈退散~~~~!!!!!)

快一年了，期待新一天的來臨~! ^^"