開始想欲考臺語認證

開始想欲共臺語抾轉來

開始認真揣台文讀冊會佮人做伙讀冊

了後........

發覺真濟人囥足濟民族意識佇台文閱讀內底

所致讀到尾後

毋是咧讀冊，是咧敨放對過往歷史的不滿

我算是228受害者的第三代

228事件對阮阿母的影響

甚至對我的影響攏誠大

毋過我共語言的學習看作是我的重點

將復興臺灣文化（？）囥佇心肝內（？）的結果

就是愛聽人一直強調"毋通袂記國民黨對臺灣文化做過的代誌”

這馬咧讀臺文，就是為著欲甲家己的語言揣轉來

是按怎欲批評臺羅，教羅？

甚至漢文台字，教育部台字？

華字攏毋知改過幾版矣，

是按怎毋接受文字語言的轉變？

臺灣就是一个會當作家己的所在

你會當講，我會當表達我無想欲聽：）  甘毋是？

我想欲學臺語文

因為真心感受到家己母語的媠

只要會當加學加用加講

攏真好！