4月26日 (星期四)

今早, 番工都仲係咁忙, 又係做呀做呀, 都冇咩時間多去理其他野. 突然電話響起喎, 原來係黎個衰衰女朋友. 都算佢識做, 打電話黎問候下我. 不過佢只係問我嬲完未, 又冇咩其他野講. 緊係未嬲完啦, 明知道男朋友嬲嬲, 都唔識得去氹番佢, 錫番佢, 快d令佢開心番. 我咪問佢, 係咪有d野未講? 佢係度扮野, 話唔知喎. 咁我咪再問佢, 係咪有三個字未講? 佢又係度扮晒野, 係度估果三個字. "嬲完未"? "唔知道"? "冇野啦"? 咪扮野啦, 黎d通通都唔係我想要o既答案啦! 佢唔講, 我係唔會嬲完佢o架! 佢好似feel到我都仲未嬲完, 佢終於都有講"對唔住".

乜黎三個字好難講咩? 佢明知自己做錯野, 都唔勇敢去講黎三個字, 唔敢面對呀? 聽到佢講"對唔住"黎三個字, 條氣即刻順番d. 不過都仲有d嬲嬲o架, 要我迫佢先識得講黎三個字. 都唔知佢會唔會將我講果d野放係心度, 都唔知佢有冇反醒一下, 都唔知佢會唔會去改變一下, 努力做好d, 對我好d, 錫我多d... 唔好再令我嬲嬲啦, 我會好傷心o架!

佢想人地對佢好d, 錫佢多d, 令佢開心d, 但係人地都會想對方會對自己好d, 錫自己多d, 令自己開心d. 佢有咁o既需要, 咁我都有咁o既需要o者! 將心比己, 想人地會對自己好, 首先自己要對人地好. 拍拖仔係兩個人o既事, 雙方面都要付出, 雙方面都要努力o架麻! 只得單方面o既付出, 單方面o既付出, 係唔會有快樂, 係唔會有長久o既愛情. 唔知佢明唔明白黎個道理呢? 不過佢成日都亂發脾氣, 真係要好好控制一下佢自己啦. 而且講野就口花花, 亂咁講, 講完又唔做, 又唔理, d野完全唔放上心. 佢真係要好好注意一下啦, 尤其係佢有一個好有記性, 會守時, 會對誠落應真o既男朋友添!

好想同佢多d傾電話呀, 好想同佢多d net meeting, 好想同佢多d見面, 好想同佢甜甜蜜蜜拍拖仔...... 佢現家應該清楚晒, 明白晒, 應該識得點做嗎? 等待佢o既反應, 期待佢o既表現.