4月17日 (星期二)

今日, 又做衰仔啦, 唔番工, 走去陪女朋友兼陪佢d親戚去海洋公園玩. 約o左9:00am 係金鐘, 但係黎隻懶訓豬, 又訓過龍. 唉, 今次我有排等啦. 行行下, 見到間”大家樂”, 去食個早餐先. 嘩嘩嘩~~~足足等o左佢一個鐘十五分鐘! 唔知醒就咪鬼約咁早啦, 等我都訓晏d麻.

我, 阿Be, 佢o既表妹同佢姑媽, 黎個套合海洋公園, 感覺好似怪怪地! 今日天氣几好, 唔曬, 又唔算太熱, 又冇落雨. 不過佢黎個親戚真係衰呀, 落黎香港玩, 又唔識自己駛錢喎, 成個吸血鬼咁樣吸晒我女朋友d錢, 激死人啦~~~ 真係好擔心佢呀, 真係好驚佢會有d咩事, 佢係傻妹黎o架麻! 希望佢快d會好運d啦!

嘩, 玩o左好多機動遊戲呀, 差唔多咩都玩晒! 原來女朋友唔驚玩黎d咁刺激o既野, 佢仲玩得激好多添, 真係好勁呀! 唔知係咪連續玩得太多機動遊戲, 我地個個都有d唔舒服添. 休息一下, 就冇咩事lu. 今次, 仲去o左睇我未曾睇過o既水母呀! d水母好靚呀, 仲識得變色添, 好得意呀! 緊係要影多d相相啦, 可惜影影下......部相機係黎個時候冇電. 真係衰呀, 冇得影多d. 女朋友想睇熊貓, 佢未睇過, 好想睇, 可惜熊貓館裝修, 冇得去睇呀, 佢同熊貓無緣啦!

玩完, 出o左旺角”元綠壽司”食dinner. 本來想同女朋友食正d, 但係又有兩隻吸血鬼係度阻住晒, 真係冇晒mood呀! 食完野, 就番屋企lu. 好倦呀, 想早d訓覺. 明早又要番工lu, 又要早起lu, 真係唔多想番工, 想訓晏d呀!

--------------------------------------------------------------

女朋友黎排心情麻麻, 成日都唔開心, 心事重重, 但係就咩都收埋晒係心內面, 我都了解唔到佢几多. 想同佢去傾下偈, 開解下, 安慰下, 幫佢減下壓力, 輕鬆一d, 但係自己又唔識得點樣氹到佢開心d. 佢太收埋自己啦, 我都唔知點樣幫到佢. 見到女朋友咁辛苦, 自己都唔會開心, 自己都好心痛, 真係好擔心佢呀! 自己又幫唔到佢d乜野, 真係覺得好無奈......

發覺女朋友唔夠細心, 好似我仲細心過佢好多添! 乜女仔唔係細心d o既咩? 女朋友o既性格又大起大落, 咩野都寫晒係塊面度. 有時真係俾佢d咁o既性格激死, 一唔開心就扭計兼對開人, 完全唔睬人, 態度真係麻麻地呀! 好彩我自己EQ好o者, 唔會亂發脾氣, 不過都有唔開心o架, 有d嬲嬲佢o架, 唔知佢有冇feel到呢?