半年無寫. 好懶. 本來諗住考完CFA會得閒寫,點知自己己經失去咗呢份心情. 好似無咩人會想知我既嘢, 更加既係無咩嘢係可以俾人知......

七月,去咗新加玻,同一個叫Heywood既同事,工作尚可,見咗表哥同佢女朋友,佢地好熱情咁招待咗我一個星期五晚同星期六早上,也談過新加玻發展的機會,其實我一直都有離開香港的想法,不過應該未係時候.

八月,同Rani做番我係老本行-泉州. 當我離開家門時,我父親還在家,亦係我最後一次見佢係屋企. 八月五,我在泉州留了一天左右的時間,半夜十二點鐘收到電話,要立刻回家,按排好一切,約是凌晨3時,明早6時就乘的士到廈門機場,買了一張十時三十分的機票,但航班廷誤,需十二時多才起飛,兩時多到達深圳,四時多到瑪麗.

本來我八月另有工作需往福州兩星期,卻因家事被安排到另一個工作. 新同事非常不合作,以致遲遲未能完成,我地四天的北京之旅,除了第一天一起之外,其他時間都分開,中午晚餐都唔使見面,好輕鬆. 我自己去了天安門,王府井大街及酒吧destination,地鐵去邊都係2蚊啫,不過因為保安理由,所以去唔到鳥巢水立方,有點可惜.

九月,得知CFA要重考,不過都無咩所謂,只問未掌握得好好,再讀吓都好既. 另外差唔多每日去瑪麗探病亦非常勞累,一家人都心力交瘁. 我亦被調去一個新的客 - 東海. 呢個係近年最開心的工作: 早放工, 有點心食, 有飲品, client 態度好, 同事又夾得埋.

九月二十日,早上十一時,醫院打電話黎,話有嘢想同我地傾,咁我地過去,己經見到我祖母同三叔,之後又叫埋佢其餘六兄弟姊妹黎,一齊陪佢到六點幾,醫生淨係話肺功能差咗好多,可能可以過埋呢幾日,又可能有幾個星期. 因為醫院淨係俾一個人留抵過夜,天行留抵,凌晨十二點零四分,天行打俾我,話佢應該唔得,十二點零九分,我啱啱離開公司,己經收到第二個電話,通知我佢己經返咗天家,我十二點半上到去,接著我媽和祖母等相繼到達,祖母情緒有點激動.

當日亦得知信欣的消息,一個安靜聽話的小女孩,一個月內由病發至離開我地,確實有點突然.

我無咩特別感覺,可能返工耐咗,做人都好以有啲麻木.