回復正常工作時間,一開始都有啲唔慣,但係而家好似好啲. 可以話,除咗返工,都無做過其他嘢,淨係今晚見過Teri,不過都要提番放假温書都見過Ben,佢由英國番黎,淨係某日好偶然咁去咗大環山游泳池,係第一次去,少人,重可以望到海境喎,真係幾好. 不過都係我唔好,呢排忙,無咩機會見面,你又要番英國.

唔,番工星期一,啲同事啱啱由星加玻番黎,我地就要趕住砌file,俾manager睇,清Q,再俾partner睇,我呢個無落過client度既人,可以做既係啲documentation嘢,但係都竟然俾可以慢慢越做越夜,有幾日兩點,呢兩日砌AFS,可以玩通頂,我自己砌兩間dormant company,同幫senior砌啲consol. 其實我都唔算辛苦,manager走既時候都帶電腦文件,好驚.

最近,有個女仔intern黎咗,啱啱friday佢同我落咗去client office見識吓喎,嘛俾佢睇吓啲tax correspondance,我過多幾個月,就可能會帶人出job,自己都覺得驚.

今日回家己經早上八點,所以.....昏迷......下午先活動,四點去咗游水,因為天氣好好,俾我撞到個同事喎. 過咗Cali做半個gym,最後約咗Teri破紀錄,就係破我地兩個月無見既紀錄. 玩具反斗城under construction,LCX無以前咁好行,而家我都無咩興趣買衫,因為無機會著.

係,同咗Ray前日食宵夜,因為佢今日去意大利喇,我星期六晚一點鐘去咗上環同佢食宵夜,之後再番公司,睇吓我對人幾好~