今日終於都有P.E.堂喇！
好開心好開心
響各人數星期口中所訴說的各樣足球消息，
渲染了我沉睡了三個月冇踢波而半退休嘅身體，
如今有機會比我去踢波，
自然係義不容辭、義無反顧、義薄雲天…

今日晏晝去茶樓食飯，
我本來想問吓點心「姐姐」有咩飯，
點知佢好順手咁就比咗煲咸魚肉餅飯過我！
但係食落口又幾好味喎，
所以呢餐都幾滿足。

原來今日P.E.堂要做返年年第一堂P.E.堂都要做嘅野－－－
度高磅重等check體能嘅事項。
發覺自己重咗都幾多，
度血壓0個陣又無喇喇鬼死咁高又跌到去0(開心到死嗎？我都想！)，
但最後都覺得自己唔係咁fit(三個月冇郁過咁濟~~")。
睇黎只好靠放學之後踢波0黎個打散脂肪、Break & Burn！

放學後立刻到球場踢波，
但係踢咗一陣之後發覺自己對腳就有少少軟，
又冇晒氣咁(爺爺我老喇…)，
比對面個趙樂樂係咁放(點解你咁勁架！？)，
重比佢連入咗幾球。
之後我地都唔輸蝕，
由各前鋒(有大佬明同Arron，重有之前一齊踢嘅form 1(?)仔)都有進帳，
互有攻守之下完結。

發哥佢響踢波0個陣整爛咗副眼鏡，
隻腳又響之前扭親，
之前某件事失誤又令攪到發哥成個人都冇晒心機。
(不過今日你都有入波，
比心機呀，
你一定要振作起0黎！)

P.S.尋日有單驚人嘅新聞：
屯門大興邨興輝樓一單位，
一名男子因受失業、入獄、喪父及患病種種困擾下，
於凌晨時分以雙氧水加熱發生爆炸，
送院經急救後情況危殆。

驚人嘅不單止係案發地點係自己所住嘅區域，
而且更令人震驚嘅係輕生男子係－－－
「城大畢業生」！

相比於自己，
學歷唔係比佢高，
但總算有「家」，
有「朋友」、「同學」、「親戚」等穿梭於我的生活圈子內，
生活都尚算平穩。
如果自己唔去珍惜的話，
在生活上有所突變之下，
自己有可能應付唔到周遭的事物。
如今只望此大學生能夠渡過危險期，
康服而對生命有所珍惜。

P.P.S. 柯南第42期出咗喇！

to 鋒：如果不為自己做點事，你會對不住自己頑強的生命力。

All human beings are like grass,
and all their glory is like wild flowers.
The grass withers,
and the flowers fall.
But the word of the Lord remains forever