今日又一早起身，我都真係唔明點解佢地真係唔駛訓！今日最勁．．．５點！！我最後７點先起身，之後執埋野，就去食早餐！

今日我地又問左男鬼客借車用，首先去左對面湖睇間啤酒廠，去到真係凍到入心！我地原來唔係入去（可能係我一相情願．．．），只不過係門口影相同埋係湖邊影番去我地住果邊！

之後我地就開始ｓｈｏｐｐｉｎｇ喇　～～　佢地先去Ｂ＆Ｏ，睇完又話貴！

終於可以去超市喇　～～　我地以為有兩間，點知原來有間只係賣野飲ＯＮＬＹ！最後梗係去番上次果間啦　～～　

尋晚臨訓話老闆話指定買野俾小冬同光遠，我同Ｋａｒｅｎ襯佢地訓左夜晚１２點都傾左陣，都唔明老闆點諗！當然佢地依家每人買一樣野！初時佢連香港人既謝師傅佢都冇諗過！後黎因為話買咖啡俾光遠再答單買一包俾謝師傅！而其他大陸同事就連提都冇提過．．．

去完超市，繼續去佢地想行既地方，去到一間好似嘉連威老道既鋪，我竟然買到件假皮褸呀！！仲係我想買既款添！真係開心過執到金！雖然價錢都唔係好平，不過港紙３５０蚊我覺得可以接受！（假皮喎，仲要係中國制）

之後我仲係一間鋪買齊哂送俾同事們既禮物　～～　呵！當我少少心意啦！！

行多陣就去食晏喇！老闆話要去食壽司，睇黎佢餓左好耐飯！好明顯今次我完全冇就住黎食！因為我諗都唔會有機會再黎多次！所以我每樣野都有試少少！

去到呢間野叫”金龍”！佢門面我地以為佢係食壽司，點知入到去個餐牌，佢都好多種類！呢道食既野都幾什下：壽司（ｏｎｌｙ，即係冇天婦羅果ｄ）／越南／泰國／中國，都幾冇關係下。

食完之後我地又繼續行，行到去一間有我地個客賣既衫，我地梗係入去行下啦！我見到大概其中４款係我地織既衫！突然間老闆叫我，我以為咩事啦！原來係件衫既手繡手工差足我黎哦，無啦啦俾老闆哦左一輪！叫我要檢討下喎！心諗ｄ貨唔係我地勁追，你走既貨應該全部賠飛機啦！你睇得果一件鬆線咁簡單．．．

之後老闆睇中左件背心外套（２千蚊港紙），你又唔係冇錢，鐘意咪買啦！之後　　　　ＫＡＲＥＮ出聲話個客可能會有ＤＩＳＣＯＵＮＴ！咁我地又開車番個客公司道，個客話要問下佢老闆娘，梗係最後冇問啦！人地老闆娘超有錢，佢買野既手法咪就係指同俾錢咋嘛！其他野都唔駛佢攪架啦．．．最抵死佢無啦啦仲話左ＫＡＲＥＮ幾句！

我地又番去果間鋪頭，ＫＡＲＥＮ嘗試為佢講價！其實我都唔明，佢又唔係唔識英文，做咩唔自己解決呢！個ＳＡＬＥＳ答佢只可以俾３％ｄｉｓｃｏｕｎｔ俾佢，又答佢係　　１９％ｔａｘｆｒｅｅ，點知俾完錢開單又唔係咁寫，原來佢話要去機場吸引，之後要番黎間鋪黎拎錢先有１９％，當然攪左一陣最後都要要接受啦！！有錢人買野都咁煩！我地車佢番酒店之後去睇多次三文魚，點知同我地第一日買既唔同，最後空手而回！

最後番酒店執埋ｄ野，我個急竟然ｆｕｌｌ左，我話買黎既麵同西梅唔要，無啦啦又俾佢話”都唔知你買咁多黎做乜”！我鬼知日日咁唔得閒食咩．．．

最後去個客道講ｂｙｅｂｙｅ！之後過番酒店交鎖匙，諗住睇下間酒店幾多錢啦！點知個客俾哂錢！等左冇幾耐就的士黎喇　～～　（都仲係呢幾日車我地周圍去既的士）

我地５點鐘上的士，６點走就到機場喇！我地坐２１５０機，首先佢地去攪免稅既野，點知去到又話要我地ｃｈｅｃｋｉｎ先！又兜番去ｃｈｅｃｋｉｎ！去到果邊ｃｈｅｃｋ　ｉｎ，點知話我地超重！其實我地前日已經叫個男鬼客幫我地打去航空公司拎每人加重架喇　～～　明明佢答我地每人已經加重１０ＫＧ！佢話電腦冇ＭＡＲＫ所以係做唔到！後黎ＫＡＲＥＮ有打去俾佢地，點知男鬼客打去航空公司既回覆係今日收左工．．．最後老闆叫ＫＡＲＥＮ唔好再同佢嘈，我地係４個人共抽４ＫＧ俾我地過！其實我地明明就唔過！都唔明佢點解要留難我地！

我地係機場ＨＥＡ左好耐！呢Ｄ時間我諗係第２辛苦！係機場食埋野先上去搵我地既入閘，呢間野有好多選擇！但係我今次做左個好錯既決定！我諗住好耐冇食菜，叫個沙律食，點知個牌明明寫ＥＵＲ２．２，點知我睇漏左１００ｇ！百幾蚊食一碟菜！　　　　ＳＯＲＲＹ呢．．．

終於可以入閘喇！架車ＦＵＬＬ好爆！我地４個人要分開黎坐前後，我同老闆坐仲要隔住，後黎果個人黎到我叫佢同我掉位！

上機後即刻食左２粒安眠藥，點知都冇乜用咁！攪左好耐都訓唔到！之後就梗係訓到啦！大概訓左６個鐘！落機前２個鐘俾老闆哦左好耐！連我既飛機餐都要話我，都唔明關佢咩事，我都係叫左個蘋果汁咋嘛！都衰左咁多日啦．．．唔掙在呢樣，同埋我都唔會飲哂啦，唔驚死咩！之後就開始話黎緊Ｄ野點做，話唔可以再好似之前咁幫個客做野！不停哦哦哦．．．

終於可以落機喇，以為可以告一段落啦！唔係囉！又繼續！以為老闆既男友黎接大家個心情會好Ｄ啦！點知唔係囉！繼續哦．．．好煩！ＫＡＲＥＮ仲話番公司，後黎佢完來今晚同老公慶祝，梗係唔番啦！又無啦啦話埋我！叫我以後唔好咁做野，話機票一定要睇清楚！我真係冇咁好氣同你再講！！你鐘意點就點．．．佢放底左個仔就車我番屋企！

ＰＳ：今次既行程基本上都好開心，因為全程都好新鮮！好多野都冇見過！不過１２個鐘既飛機真係好難過．．．

今日大概食既野有：

早餐：２片火退／１隻半生熟蛋／１碟炒蛋／１個麵包

午餐：３件壽司／半碗河粉／４份之３碗白飯／２片牛肉／２片鴨肉／半碗什菜

晚餐：２碗什菜＋蕃茄／２碗意粉／１匙雞肉／半條腸

晚既飛機餐：半盒牛肉飯／２片蕃茄

早既飛機餐：３匙炒蛋／２件薯角

番到黎（１０／２）晚餐：１碗白飯／１碟菜心／２件雞胸／１件鱔／１粒蝦棗／２碗西洋菜湯