2009-02-10 19:16:02夜貓貓
０８／０２ ｄａｙ４/ 慕尼黑@德國
今日都係俾佢地一家嘈醒，日日都唔夠訓．．．真係想死！我又５點幾俾佢地嘈醒，之後ｋａｒｅｎ大叫呀 ～～ 我以為咩事啦！原來出面落雪呀！！！！！！！因為我未洗面，所以冇第一時間影相！出面既雪真係好靚，越落越大！
老闆同小麥要澎澎聲攪完哂ｄ野就落去食早餐，而我同ｋａｒｅｎ遲ｄ落去，未整好個頭呀嘛！！今日又係食果ｄ野，都幾悶下！冇乜選擇．．．
食完我地出左酒店門口影雪 ～～ 真係靚到爆呀！！影完之後我地上左房先，因為仲有時間！點知上到黎接到司機電話話大雪，要遲ｄ先到 ～～
終於可以出發喇 ～～ 我地首先出番去市區，我地首站去左世紀博物館，哈哈 ～～ 呢個名係我改架！去到都幾多野睇，小麥不停係道問點解點解，都真係幾煩！講下入面買咩睇，有ｄ岩石／水晶／鑽石，仲有好多動物添！
睇完之後，佢地話去奧林匹克個場，話要去影下相喎！點知落車落雨成地濕哂，我對鞋都濕呀．．．入到去場，又話唔上個塔道，無啦啦突然話食飯，我地就入左去ｆｏｏｄｃｏｕｒｔ道食！
食完出去影左ｄ相，就上番車出發喇 ～～ 今日主要目的去皇宮！我部相機冇啦啦冇電，諗住有第２舊頂上應該冇事啦！點知第２舊完全開唔到機喎！老闆又問長問短，大佬．．．我都唔想架！我都不知幾ｄｏｗｎ！好在ｋａｒｅｎ部相機有電，後黎我醒起老闆都有帶，我梗係拎黎玩啦！
入到去皇宮入面，好多供品，亦有好多金同鑽石，真係好靚 ～ 之後去第２ｐａｒｔ，果邊就真係皇宮喇 ～～ 一間間房介紹！唔錯呢 ～～ 行完之後就番黎喇 ～～ 其間發生左件事都幾攪笑，話說司機車我地去皇宮前落車，話我地知去另一邊上車！原來另一邊上車就係尋日我地行街果道！幾白痴呢，最攪笑係原來個皇宮既出口就係司機講既地方，蝕．．．行左成１０分鐘先上到車！
我地４點半就番到黎酒店喇，上黎放底ｄ野，ｋａｒｅｎ叫我同佢去個客果邊問野同約今晚食飯！
終於等到７點出發去食意大利菜，野食都ｏｋ架，不過老闆講埋ｄ野唔岩聽囉！佢同個客講話我依家好幸福喎！佢果陣出黎做野唔係咁架喎！帶我出黎去旅行咁！首先我唔係話黎既，都係你叫我同ｋａｒｅｎ黎！之後我有做野架！都開左一日加２個鐘會啦！我仲日日俾你賴喎！！真係聽完都唔想聽．．．
完食之後番黎酒店，真係悶到嘔！沖完個又冇得上網！
今日大概食既野有：
早餐：２片火退／１隻半生熟蛋／３匙炒蛋／１個麵包
午餐：半隻燒雞／５條薯條
晚餐：３粒帶子／半碗意大利飯／２匙意大利粉／１隻蝦／２匙焦糖布甸（走面糖）／１匙咖啡雪糕