好開心呀！！今日係期待以久既　～～　大餐！！其實我地減果陣ｋａｔｈｙ已經講左，減滿１０磅就可以食大餐！我冇諗過我一個月就可以架！初時仲諗住我會送呢個大餐俾小籠包，好在麗娟提我”我地約左婉薇燒野食呀”～～　ｔｈａｎｋｓ　ｓｏ　ｍｕｃｈ！

今日約左１２點半入馬鞍山等，亞浩今日要番工，已通知佢自己入黎！我訓到１１點左右就訓唔番，之後１１點９出門口，去到巴士站又走車喎！襯得閒梗係打俾亞婆啦，我好耐冇咁早起身架嘛．．．之後仲傾左成半個鐘！去到馬鞍山，點知２條友近過我都遲過我！唔係路架　～～　齊人之後去街市買左野食先，之後再買飯盒番婉薇屋企食！

食完飯梗係打麻雀啦．．．唔係有咩做！打左４圈亞浩終於入到黎喇！我入去廚房攪哂ｄ野食，我仲好叻咁自制蕃茄醬添！！型爆　～～　哈哈！！

今晚都真係幾放縱下，死人ｂａｂｙ同亞浩話我地星期四就知後果同埋後悔！都唔係既，最多咪多一個月時間！哈哈　～～

今晚ｄ野都真係幾好味架　～～　我地又有得飲唔肥既汽水！當然．．．淨係蜜糖都死左幾成啦．．．哈！

睇下我今日食左ｄ咩先：

午餐：叉燒雞胸飯走汁／半碟菜心

晚餐：２隻蜆／１片麵包+牛油+奶／４隻雞中翼／１隻全翼／２條腸仔／４份１個蕃薯／２粒火退丸／３粒墨魚丸／１件牛扒／１包什菇／１包娃娃菜／１隻大蝦／３份１條粟米（當然唔係一次過食啦，我地由８點燒到成１１點架　～～）