今日亞浩番早，我一個人番工，當然番公司先食早餐啦．．．

大概１２點半，個肚好想去廁所，咁我就去啦！點知．．．又去唔到！今次仲大鑊！咁因為我去唔到我諗住出去坐陣先，點知用紙清潔果陣．．．半張紙都係血，突然好驚！亞浩又唔得閒理我，最後我決定番屋企先！

越諗越唔知點做，最後我竟然仲有心情係公司樓下食埋飯我先走！我食飯一路諗，係咪應該做ｄ野令自己舒服ｄ呢！最後決定買老人家去唔到廁所果ｄ甘油條！之後決定坐小巴去官塘買完再番屋企！講真．．．由細到大都幾驚呢樣野，同埋完全唔知點用，個心仲諗番到屋企最好ａｕｎｔｉｅ在ｕｎｃｌｅ唔係道．．．唔係一定尷尬死！

好在．．．番到黎真係如我所料，咁我梗係問下點用，其實我當然知道係放ｐａｔｐａｔ啦，個問題係放完即刻去到廁所，定要等？！最後原來係要入廁所放入去，之後順其自然就ｏｋ！唉．．．真係羞家．．．去完都真係舒服哂！咩都出哂黎　～～　個感覺真係好！！　（請原諒我寫ｄ咁核突既野．．．）

今日我食左既野有：

早餐：叉燒湯米／凍檸茶走甜

午餐：叉燒雞胸飯走汁／凍檸茶走甜

晚餐：２匙梅菜／１碗白飯／２碗雪以瘦肉湯／２件煲湯瘦肉／１碟菜心