今日終於到我開工既大日子喇！依舊星期六食埋早餐先番工！９點３入門口！好在老闆同老闆女未番！呵　～～

一番工同ＴＥＲＲＹ講，不如開個盤賭下ＭＵＮ有冇拎ＩＤ同回鄉証，仲要連中兩個！就係佢幾點番工喇！留意．．．我地係冇賭錢架下！我估係９點７８加冇拎！ＴＥＲＲＹ係９點８９加冇拎！之後ＱＣ～ＭＥＩＭＩ話１０點加冇拎！最後係ＭＥＩＭＩ～ＷＩＮ啦（只係中時間）！佢答我地係有拎架下　～

番到黎冇幾耐聽到個驚人消息，就係老闆個姐夫劉叔初五收到老闆個細佬電話話炒佢！之後老闆家姐仲話初一至初四都見到，點解唔單聲！我諗大家都好明白！初一大節流流！點會同你講炒人呀！你都識講．．．連見４日啦！冇理由一個人黑口黑面架！都真係好慘．．．初時唔係炒得劉叔一個架，仲有另一出街既張仔！點知．．．１０點幾突然見到佢番工喎！嘩．．．大家都Ｏ咀！

ＨＥＡ到１２點幾就落去飲茶啦！超級多人！廿個人坐埋一張枱！不過都少左人架喇！我地今日勁多野食啦又！老闆叫左個１２人餐，但係因為冇點心就叫我寫！我幾耐中招呀！好在最尾係因為個餐既伊麵好遲都未黎，呢個外賣之外！其他都食得哂！ＴＨＡＮＫＳ　～～

之後我就去搵亞浩啦，我地落左去荃灣廣場買飛睇”魔法奇緣”！買到飛睇４點，依家先得２點半，就行下吉之島先！點知無啦啦睇中張被！哈　～～　破財喇又！不過ＯＫ啦！駝毛都係＄３３９！抵！

睇完戲喇　～　呢套戲都幾攪笑！３個卡通主角個樣同真人都好似呀！提材真係唔錯！

之後我地坐車番安樂窩喇　～～