之前大家有講過去番酒樓食蟹，但係ＣＨＥＣＫ價後覺得好貴，成３ＸＸ一位，之後我話不如訂蟹我整啦！一籮１３隻都係６００蚊左右　～～

諗住１２點左右入去同芝食晏之後就買送，點知由亞浩十點幾起身開始，我不停俾電話嘈醒。首先係送蟹既電話，話第一站就黎左我呢張單先，玩野咩．．．張ＣＯＵＰＯＮ在我手呀！之後我就叫佢尾站先送，佢話未必得！咁仲話晏Ｄ先聯絡。第２個電話係亞浩手提。之後又隔冇耐又係送蟹條友，話送超市。ＯＫ啦！之後我就訓唔番，就打俾芝喇！

入到去大埔都點幾喇，我地去左食魚蛋粉（好出名架喎），我覺得比較乜野都好淡，而個湯係比其他既好（阿芝都話唔好信Ｄ出名既野！哈！）食完之後我地去左買送！

我今日既菜單有：

１）椰子煲雞湯
２）蒸大閘蟹　（每人３隻）
３）蒜蓉炒生菜
４）炸蟹蚶、炸春卷、炸什錦丸、炸星星薯

主角　～～　大閘蟹

在我買完送，芝好似唔太相信我ＨＡＮＤＬＥ到！哈！芝　～～　我真係得架！你要相信我係一位師奶。而芝媽媽睇黎我都應該仲細咁！呵　～～

整落哂湯，我地就出廳睇電視，其間仲食左好滑既豆花！正　～～　之後５點幾佢２個終於入到黎喇！我地去會合佢地，就去拎蟹同買野飲！

之後上番芝屋企炸埋野就上去今日既聚會屋喇！點知．．．上到去蒸蟹有好多野都冇拎上黎，例如鹽啦！我炒菜冇味呀！幾大鑊呀！哈哈哈！

之後就開始佢地既網吧啦　～～　因為ＶＩ屋企３日都上唔到網呀！之後我攪掂佢地出黎食野喇！

今晚既評價唔錯　～～　多謝！不過個湯我真係超有信心架喇！個湯我都由細整到大啦！都唔需要大家讚架喇！（沾沾自喜ＩＮＧ）。個湯好在夠多，每人都飲到４－５碗。好開心呀！

當然今晚最失敗既地方就係冇鹽啦　～～　浪費左好多菜呀．．．其實今晚真係唔好意思，攪到芝屋企！

食完之後去左彩虹食甜品　～～　大家都超飽，跟本食唔落Ｄ咩．．．最後叫左老薑蕃薯糖水同埋紫皮奶皇湯丸。２個都唔錯，大家都至在Ｄ薑水多Ｄ！哈哈哈！之後因為我聽日要番工既關係．．．我叫佢地不如坐的士，因為依家都１１點幾喇！多謝大家既體諒　～～