今日一早上大陸，我同ＱＣ上左車突然老闆打黎話番轉頭車佢一齊上，因為大雨喎！接左佢之後，點知個司機驚青，走錯路喎！俾佢鬧之餘，我都硬食左一野，話我點解唔睇路牌．．．係咪有病先！

食完晏番黎，細佬無敵追魂ＣＡＬＬ，我以為仔仔發生咩事！我即刻用免費電話打番俾佢，點知．．．佢話我知香港會掛８號呀！會唔會太突然呀！我即刻同各香港同事講，之後同ＱＣ再同老闆講．．．

ＱＣ決定唔去東莞，而老闆仲攪笑，佢好似唔想走咁！當然佢唔走我都唔會理佢啦！傻架咩．．．之後拖左成個鐘３點先係廠走，番到落黃崗已經４點幾喇！之後老闆車我番公司留下，我拎埋Ｄ野就去左ＴＥＲＲＹ屋企喇！佢地約哂開局呀　～～

佢地有佢地打麻雀，我同ＴＥＲＲＹ就開ＮＤＳ玩！玩到１１點幾先走．．．大家好似聽日唔駛番工咁！個天會唔會咁好俾我放埋呢半日呢．．．

ｐｓ：走既時候同亞浩坐３８去到官塘落車諗住轉的士！點知．．．街一架車都冇呀！最後我地係地鐵回家．．．